बैशाख २२
महोत्तरी
पहिचान हुन नसकेको रोगबाट १२ जनाको ज्यान गएपछि महोत्तरीमा विशेषज्ञ टोलीले अनुसन्धान सुरु गरेको छ । बर्दिबास नगरपालिका १२ र बर्दिबाससँगै सीमा जोडिएको भङ्गहा नगरपालिका ६ र ७ मा १२ जनाको ज्यान गएको हो ।
इपिडिमियोलोजी तथा रोग नियन्त्रण महाशाखा काठमाण्डौको टोली महोत्तरी पुगेर के रोगको कारण ज्यान गएको हो भन्नेबारेमा अनुसन्धान सुरु गरेको छ ।
विशेषज्ञ टोलीले स्क्रिनिङ र अनुसन्धानको काम थालेको र्यापिड रेस्पोन्स टिम कोभिड– १९ का स्रोत व्यक्ति गिरेन्द्र झाले जानकारी दिनुभयो । उहाँका अनुसार ज्यान गुमाएकामध्ये दुई जनाको कोरोना रिपोर्ट नेगेटिभ भएको छ । अरु १० जनाको रिपोर्ट आउन बाँकी छ ।
घटनाबारे थप अनुसन्धान गर्न धरानबाट समेत विज्ञ टोली खटिनेछ ।
