गुल्मीमा क्वारेन्टाइनमा बस्न अल्छी लागेर एक युवा जंगलको ओडारमा गई बसेको खुलेको छ । आरडिटी पोजेटिभ आई शनिबार क्वारेन्टाइनबाटै भागेका युवा ओडारमा गई बसेको पाइएको हो । जिल्लाको मुसिकोट नगरपालिका वडा नं ५ को नेपाल राष्ट्रिय माध्यमिक बिधालयको क्वारेन्टाइनमा बसेका वडा नं ४ का १९ बर्षका युवा क्वारेन्टाइनबाट भागेर नजिकैको जंगलमा रहेको ओडारमा गइ बसेको मुसिकोट नगरपालिकाका स्वास्थ्य संयोजक डिबी जिशीले जानकारी दिए । उनलाई फोन गर्दा आफू कतै गाउँमा नगएको र क्वारेन्टाइनमा बस्न अल्छी लागेकाले ओडारमा आएर बसेको उनले बताएका थिए । उनले आफूलाई खोज्नका लागि प्रहरी प्रशासन प्रयोग गर्नु नपर्ने भन्दै पछि आफै क्वारेन्टाइनमा आएको जिशीले बताए । जेठ ९ गते भारतबाट आई क्वारेन्टाइनमा बसेका त्यी युवाको २९ गते आरडिटी पोजेटिभ आएको थियो । उनी लगायत अन्यको आज स्वाब संकलन गरिएको जिशीले जानकारी दिए ।
