असार ७
पछिल्लो २४ घण्टामा चार सय २१ जना थपिएसँगै कोरोना सङ्क्रमण पुष्टि हुनेको सङ्ख्या नौ हजार २६ पुगेको स्वास्थ्य तथा जनसङ्ख्या मन्त्रालयले जनाएको छ ।
स्वास्थ्य तथा जनसङ्ख्या मन्त्रालयका प्रवक्ता डाक्टर जागेश्वर गौतमका कुल सङ्क्रमितमध्ये आठ सय २० जना महिला र आठ हजार दुई सय ६ जना पुरुष रहेका छन् ।
गएको २४ घण्टामा एक सय ९४ जना कोरोनामुक्त भएर घर फर्किएसँगै निको हुनेको सङ्ख्या एक हजार सात सय ७२ पुगेको छ ।
त्यस्तै कोरोना भाइरस सङ्क्रमणको कारण अहिलेसम्म २३ जनाको ज्यान गएको छ ।
