प्रेम सुनार
गुल्मी
असार १०
विद्युतको पोल ढलेर विद्युत अवरुद्ध हुँदा गुल्मीको बलेटक्सार गाउाका वासीन्दा लिफ्टिङ सिस्टम खानेपानी उपभोग गर्नबाट बञ्चित भएका छन । चार दिन अघि बलेटक्सारको लामीडाडामा विद्युतको पोल ढलेको थियो ।
‘त्यस दिन देखि विद्युत अवरुद्ध हुँदा बलेटक्सार बजार लिफ्टिङ सिस्टम खानेपानी सुचारु हुन सकेन । चार दिन देखि यहाँ झण्डै ३ सय घरधुरी उपभोक्ता खोलाको लेद्रो पानी पिउन विवस छन| त्यस योजना उपभोक्ता समितिका अध्यक्ष देवनारायण ज्ञवालीले भने मैले पटक पटक विद्युत प्राधिकरण रिडी शाखालाई मर्मतका लागि आग्रह गर्दा पनि सुनुवाई हुन सकेन ।
अध्यक्ष ज्ञवालीले आज विहान विद्युत प्राधिकरण गुल्मी वितरण केन्द्रका प्रमुखलाई पनि आग्रह गरेको बताए । त्यस केन्द्रका प्रमुख नारायण ज्ञवालीलाई फोन गर्र्दा सुपरभाईजर महाविर नायाकले फोन उठाउँदै भने–‘ अहिले हाकीम सर र प्राविधिकहरु फिल्डमा पराल्मी जानु भएको छ पोलहरु ढलेर उहाँहरु फर्किन साथ बलेटक्सार पठाईने छ ।’
रुरुक्षेत्र गाउँपालीका वडा नम्वर ४ बलेटक्सारका वासीन्दा सदियौं देखि खानेपानीको हाहकार भोग्दै आएको हुँदा उनीहरुको समस्या समधानका लागि गुल्मी क्षेत्र नम्वर २ का सांसद तथा परराष्ट्रमन्त्री प्रदिपकुमार ज्ञवालीले साढे ३ करोडको लिफ्टिङ सिस्टम खानेपानी योजना पारि दिएका थिए ।
योजना सम्पन्न भई खानेपानी उपभोग गर्न थालिए पनि औपचारिक रुपमा उद्घाटन भई नसकेको अध्यक्ष ज्ञवालीले बताए । उक्त योजना सम्पन्न नहुनु अघि बलेटक्सार वजारवासीले ट्याक्टरमा बोकिएको पानी दुुई रुपैयाँ लिटरको दरले किनेर खान बाध्य हुन्थे ।
