कृष्ण अन्जान
२६ असार, गुल्मी
परिश्रमका पाखुरा वजार्न सके बारीको सानो सुर्कोमा पनि सुन फलाउन सकिन्छ भन्ने उदहरण बन्न सफल हुनु भएको छ रुरु क्षेत्र गाउंपालिका वडा न ३ थोर्गा बिहार पोखराका किसान माधव प्रसाद श्रेष्ठ । स्याल पोखरी पानीटंकी सडक खण्डको विहार पोखरा नजिकै बाटोमुनि रहेको श्रेष्ठको घरमा पुग्दा उहाको परिश्रमको वैभवता देख्न सकिन्छ । बाबुबाजेको जेथाबाट उहाको अंशमा परेको मात्र सात रोपनि जग्गा तर तेहि सात रोपनि जग्गामा यतिवेला सुन फलाउंदै हुनुहुन्छ माधव प्रसाद श्रेष्ठ । भारतिय भुमिमा करिव तिस वर्ष विताएर नेपाल फर्केपछि बारीमा कफि खेति वाट व्यवसायिक कृषिमा लागेका माधवले पछि कफि खेति छाडेर कागती खेति शुरु गर्नु भयो । कागती संगै वारिमा दर्जनौ प्रजातिका घाँसका नर्सरी संगै कागती सुन्तला का विरुवा पनि उत्पादनको काम पनि उहाको शुरु गर्नु भएको हो ।
यतिवेला उहांका वारि भरि कागतीका हुर्केका रुखहरु प्रसस्त देख्न पाइन्छ । रिडी वलेटक्सार जस्ता स्थानिय वजार तथा पैंचो पसलमा कागती विक्री गरेर वर्षेनी राम्रै आम्दानि गर्दै आउनु भएका माधवले कागतिका विरुवा ,विभिन्न जातका घांसका विरुवा गाउंघरमा विक्रीवितरण गरेर आम्दानि गर्दै आउनु भएको छ । माधव श्रेष्ठ तिनै किसान हुनुहुन्छ जस्ले पहिलो पटक गुल्मीमा जर्सिजातका गाई भित्र्याएर पशुपालन शुरु गर्नु भयो । २०६३ सालमा जर्सि गाई पालन गर्दा कुन घांस गाई वस्तुलाइ खुवाउंदा बढि दुध दिन्छ भनेर अनुसन्धान गरे संगै उहाले घांसको नर्सरी समेत शुरु गरेको अनुभव वताउनु हुन्छ । यतिवेला जर्सिगाई त छैनन् तर खोरभरि बोएर जातका विकासे वाख्राहरु भने छन ।
सवै भन्दा गज्जवको कुरा त उहांको बारी भित्र पुग्दा महंगो फल किवी लटरम्म फलेको छ । भार्सेबाट एउटा फल ल्याएर त्यसैको विउ लगाएको सात वर्ष पछि पोहोर सालबाट बारीमा किबी फल्न शुरु गरेको छ र पहिलो वषर््ा नै किवी विक्रि वाट २५ हजार आम्दानि गर्नु भएका उहाले यो वर्ष दोव्बर आम्दानी हुने वताउनु भयो । दलस्वास्थका लागि वहु ्उपयोगि यो फलको वजार मुल्य ५ सय देखि सात सय प्रतिकिलो रहेको छ । श्रेष्ठले यो वर्ष देखि किवीफलका विरुवा पनि उत्पादन शुरु गर्नु भएको छ र वजारमा एउटा किवीको विरुवा एकहजार सम्ममा विक्री हुने उहांको भनाइ छ ।
सामान्य लेखपढ मात्रै गर्न जानेका माधव श्रेष्ठ को दिन कुन जातका विरुवा ,घांस लगाउदा उत्पादन बढिहुन्छ भनेरै अनुसन्धानमै बारिमा वित्छ । उहालाइ पनि अरु किसान हरुलाइ जस्तो उत्पादनले वजार नपाएकोमा गुनासो छ माधव भन्नु हुन्छ किसानको उत्पादन उचित मुल्यमा सरकारले किन्नु हुन्छ ।
