सुरेश थापा
गुल्मी, साउन ८ – गुल्मीको सत्यवति गाउपालीकामा गाउँपालिका स्तरिय विपद व्यवस्थापन समितिको बैठक सम्पन्न भएको छ ।बैठकमा गाउपालीका क्षेत्रभित्र पर्ने मोटरबाटो उच्च जोखिममा रहेकाले सकभर रातीमा यात्रा नगर्ने ,लुम्दी खोला पुल र रुद्रवेनी पुललाई जोगाउन तारजाली व्यवस्थापन गर्न प्रदेश सरकारसग माग गर्ने,डोजर खर्च पारदर्शि बनाउने ,इस्मा गाउपालीकाका पहिरो पिडितका लागि सहयोग गर्ने,गाउपालीका भित्रका पहिरो पिडितहरुको तथ्यांक संकलन गरि उनिहरुलाई सुरक्षित स्थानमा राख्ने, राम मन्दीर धार्मिक पर्यटकिय स्थल उच्च जोखिममा रहेकाले यसको संरक्षण गर्ने, पोहोेर साल गएको लिम्घा र ठुलोलुम्पेकका पहिरो पिडितहरुको अवस्था लगायत बिबिध बिषयमा छलफल भएको छ ।गाउँपालिका अध्यक्ष पारिश्वर ढकाल को अध्यक्षतामा सम्पन्न बैठकमा , उपाध्यक्ष शुवर्ण शेर्चन शाही, प्रमुख प्रशासकीय अधिकृत यादव भण्डारी, प्रत्येक वडाका वडा अध्यक्ष हरू, स्वास्थ्य कर्मी हरु, कार्यपालिका सदस्यहरू, चेम्बर अफ कमर्स गुल्मीका अध्यक्ष युवराज न्यौपाने, इलाका प्रहरी कार्यालय जोहाङका प्रमुख सुग्रीव बैदवार, हरि प्रसाद भण्डारी, ठग प्रसाद ज्ञवाली, विष्णु प्रसाद भण्डारी लगायतको उपस्थिति रहेको थियो ।
कार्यक्रमको सञ्चालन हिमलाल भण्डारी ले गर्नुभएको थियो ।