श्रावण २३
मुलुकमा थप ४ सय ६४ जनामा कोरोना भाइरस कोभिड १९ संक्रमणको पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशका बिभिन्न भागमा ४ सय ६४ संक्रमित थपिएसंगै नेपालमा संक्रमितको कुल संख्या २२ हजार २ सय १४ पुगेको छ । मन्त्रालयका अनुसार कोसी अस्पताल विराटनगर प्रयोगशालामा मोरङका २९ जना, प्रादेशीक जनस्वास्थ्य प्रयोगशाला विराटनगरमा मोरङका ३५ जना, झापाका १ जनामा संक्रमण देखिएको छ भने बीपी स्वास्थ्य विज्ञान प्रतिष्ठानमा गरिएको परीक्षणमा झापाका १ जना, सुनसरीका १ जनामा संक्रमण पुष्टि भएको छ । यता, गजेन्द्र नारायण सिंह अस्पताल सप्तरीका १९ जना, जनकपुर प्रयोगशालामा धनुषाका १० जना र सर्लाहीका ३ जना, नारायणी अस्पतालमा भएको परीक्षणमा बाराका ४ जना, पर्साका १३४ जना, रौतहटका ४ जनामा संक्रमण देखिएको छ ।
राष्ट्रिय जनस्वास्थ्य प्रयोगशाला टेकुमा सिन्धुपाल्चोकका १ जना, ललितपुरका ३ जना, काठमाडौंका १४ जना, नुवाकोटका ८ जना, सर्लाहीका ६ जनामा संक्रमण पुष्टि भएको छ । शुक्रराज ट्रपिकल अस्पताल टेकुमा भएको परीक्षणमा भक्तपुरका २ जना, बाराका २ जना, कैलालीका २ जना, काठमाडौंका ३९ जना, सर्लाहीका २, लतिलपुरका ३ जना,पर्साका २ जना, रौटहटका १ जना, तनहुँका २ जनामा संक्रमण देखिएको छ । यता, किटजन्य प्रयोगशाला हेटौंडामा बाराका २ जना, नेपाल कोरिया मैत्री अस्पतालमा काठमाडौंका १ जना, भक्तपुरका १ जनामा स्याङजा र पर्साका १ जना संक्रमण देखिएको छ । यस्तै, पाटन अस्पताल ललितपुरमा भएको परीक्षणमा काठमाडौंका ५ जना, धनुषाका १ जना, भक्तपुरका १ जना, ललितपुरका २ जना र कास्कीका १ जनामा संक्रमण देखिएको छ ।
यता, प्रहरी अस्पतालमा भएको परीक्षणमा काठमाडौंका ७ जना, वीर अस्पतालमा बाँकेका १ जना, काठमाडौंका ४ जना, बाराका १ जना, बर्दियाका १ जनामा र त्रिवि शिक्षण अस्पतालमा भएको परीक्षणमा काठमाडौंका १ जनामा संक्रमण देखिएको छ । यता, स्टार अस्पताल ललितपुरमा भएको परीक्षणमा काठमडौंका ११ जना, ललितपुरका १ जना, पर्साका १ जना, सर्लाहीका १ जनामा संक्रमण देखिएको छ । वीर ल्याब काठमाडौंमा ललितपुरका १ जना र काठमाडौंका २ जनामा संक्रमण पुष्टि भएको छ । सोर्या हेल्थ केयर काठमाडौंमा काठमडौंका ४ जना, ह्याम्स अस्पतालमा काठमाडौंका ४ जनामा संक्रमण देखिएको छ ।
पोखरा स्वास्थ्य विज्ञान प्रतिष्ठानमा कास्कीका २ जना, प्रादेशिक क्षयरोग केन्द्र पोखरामा भएको परीक्षणमा नवलपरासी पूर्वका १ जना र कास्कीका ८ जनामा संक्रमण देखिएको छ । यता, रुपन्देही प्रयोगशालामा गुल्मीका १ जना र नलवपरासीका २ जनामा संक्रमण देखिएको छ । भेरी अस्पतालमा बाँकेका २८ जना, बर्दियाका १४ जना, सुर्खेत प्रयोगशालामा भएको परीक्षणमा कालिकोटका ४ जना, सुर्खेतका १ जना र सेती प्रादेशिक अस्पताल प्रयोगशालामा भएको परीक्षणमा अछामका १ जना, कैलालीका १७, कञ्चनपुरका १ जनामा संक्रमण पुष्टि भएको छ ।