भदौ १९
बाग्लुङ – बाग्लुङमा बुधबार राती गएको बाढी पहिरोमा परेर ज्यान गुमाएका सबै १४ जनाको शव आफन्तलाई जिम्मा लगाइएको छ ।
बाग्लुङको ढोरपाटन नगरपालिका ९ को बोवाङमा पहिरोमा परेका १४ जनाको शव भेटिएको थियो । शुक्रबार बिहान पहिचान भएका चार र दिउँसो पहिचान भएका १० गरी १४ वटा शव आफन्तलाई जिम्मा लगाइएको हो ।
पहिचान भएका ढोरपाटन नगरपालिका ९ की २३ वर्षीया दिलमाया पुन, ३१ वर्षीया रिमकुमारी घर्ती मगर, ३२ वर्षीया सीता बुढा, २६ वर्षीया केशमाया विक, ११ वर्षीय मदन विक, २२ वर्षीय जीवन विक र ११ वर्षीय डल्ले विकको शव आवश्यक कानुनी प्रक्रिया पुर्यानएर आफन्तको जिम्मा लगाइएको इलाका प्रहरी कार्यालय बुर्तिबाङका प्रहरी निरीक्षक प्रकाशसिंह भण्डारीले जानकारी दिनुभयो । त्यसैगरी ६ वर्षीय विराज विक, ६५ वर्षीया ज्योति पुन, २३ वर्षीया दिलमाया पुन, ३१ वर्षीय प्रेम पुन, १३ वर्षीया पुनि विक, ६५ वर्षीय डोटी पुन र ४६ वर्षीय करबहादुर विकको शव पहिचान गरी जिम्मा लगाइएको भण्डारीले बताउनुभयो । घटनामा बेपत्ता भएका २४ जनाको खोजी कार्य भइरहेको छ । नेपाल प्रहरी, नेपाली सेना र स्थानीयले नदी किनारमा खोजफ गरिरहेको प्रहरी निरीक्षक भण्डारीले बताउनुभयो । बाढी पहिरोले बोबाङको फल्लेघर, सुकुरदुङ, घट्टबोट, लाकुरीबोट लगायतका स्थानका धेरैजसो घर क्षतिग्रस्त देखिएको उहाँले बताउनुभयो ।
वडा नं। ९ र ८ मा झण्डै ४० घर बगेको देखिएपछि वडाबाट आवश्यक तथ्याङ्क सङ्कलन सुरु भएको ढोरपाटन नगरपालिकाका मेयर देवकुमार नेपालीले बताउनुभयो । पहिरोका कारण ८० घरमा पूर्ण क्षति, ५१ घरमा आंशिक क्षति, ११ वटा लघु जलविद्युत्, स्वास्थ्य इकाइ एक, झोलुङ्गे पुल ११, ढलान पुल पाँच, काठे पुल १० र दुई विद्यालयमा क्षति पुगेको नगरपालिकाले निकालेको विज्ञप्तिमा उल्लेख छ ।
उज्यालो अनलाइनबाट