गुल्मी
भदौ २२- गुल्मीको रुरुक्षेत्र गाउपालीकामा समुदाय स्तरमा कोरोना भाइरसको संक्रमण देखिएको छ ।
गाउपालीकाको वडा नम्बर ५ मा समुदाय स्तरमा र वडा नम्बर १ मा क्वारेन्टाइनमा रहेका व्यक्तिमा कोरोना पुष्टि भएपछि गाउपालीकाको आकस्मिक बैठकले वडालाई सिल गर्ने निर्णय गरेको छ । सोहि निर्णय अनुसार आज राती १२ बजेदेखि २८ गते राती १२ बजेसम्म पुर्ण रुपमा शिल गरिने गाउपालीकाका प्रमुख प्रशासकिय अधिकृत चेतनाथ गिरिले जानकारी दिनुभयो ।
रुरु क्षेत्र गाउपालीकाको वडा नम्बर ५ मा ४२ वर्षका एक पुरुषमा कोरोना संक्रमण देखिएको छ भने वारेन्टाइनमा रहेका वडा नम्बर १ का ३१ वर्षिय पुरुषमा पनि कोरोना संक्रमण पुष्टि भएको छ । संक्रमित व्यक्ति स्वास्थ्यकर्मिको निगरानीमा रहेको र स्वास्थ्य अवस्था सामान्य रहेको प्रमुख प्रशासकिय अधिकृत गिरिले जानकारी दिनुभयो । उनीहरुको सम्पर्कमा रहेका व्यक्तिको कन्ट्राक ट्रेसिङको काम सुरु भइसकेको छ । उक्त समयमा अत्यावश्यक काममा बाहेक हिडडुल नगरि उच्च मनोबलका साथ कोरोना संक्रमण नियन्त्रणमा सहयोग गरिदिन गाउपालीकाले अनुरोध गरेको छ ।सो समयमा वडा नम्बर ५ को सम्पुर्ण सेवा बन्द हुनेछ । यदि कसैले अटेर गरि हिडेमा प्रचलित कानुन बमोजिम कारबाहि गरिने गाउपालीकाले जनाएको छ ।यस्तै दिर्घरोगि ,सुत्केरी लगायत दैनिक औषधि सेवन गर्ने व्यक्तिहरुलाई समस्या परेमा गाउपालीकामा अनुरोध गर्न समेत गाउपालीकाले अनुरोध गरेको छ ।