राधा पोख्रेल / गुल्मी
भदौ २५ – बाल अपांग अस्पताल तथा पुनस्थापना केन्द्र बनेपाद्धारा संचालीत सक्षम परियोजना गुल्मीको आयोजना र धुर्कोट गाउपालीका गाउ कार्यपालीका र नेपाल अपांग एकता समाज गुल्मीको समन्वयमा ,अपांगता भएका बालबालीकालाई शिक्षा दिने सक्षमतामा आधारित १ दिने तालिम धुर्कोट गाउपालीका वडा नम्बर १ मा रहेको नयाँगाउ माध्यमिक बिद्यालयमा सम्पन्न भएको छ ।
कार्यक्रममा नयागाउ माध्यमिक बिद्यालयका प्रधानाध्यापक यज्ञ प्रसाद गौतमको अध्यक्षता ,वडा नम्बर १ का वडाध्यक्ष कमल थापाको प्रमुख आथित्यता,नयागाउ माबिका बिद्यालय व्यवस्थापन समितिका अध्यक्ष बोम बहादुर खड्काको बिशिष्ट आथित्यता रहेको थियो । कार्यक्रममा १८ जना शिक्षकहरुलाई प्रशिक्षित गरिएको थियो । अपांगता भएका बालबालीकाहरुलाई कसरी शिक्षामा पहुच पुर्याउन सकिन्छ ,सार्वजनिक भवनहरु ,बिद्यालय, लगायतका स्थानहरुमा अपांगमैत्री भएका बालबालीकाहरुको कानुनी हक अधिकार लगायतका बिबिध बिषयमा जानकारी गराइएको थियो। सहभागिहरुको तर्फबाट पनि अपांगता क्षेत्रमा हेर्ने दृष्टिकोण सहजिकरण बनाउन, शिक्षकहरुको अहम भुमिका रहन्छ भन्ने कुराको अनुभव सुनाइएको थियो ।
कार्यक्रममा प्रशिक्षण सक्षम परियोजना गुल्मीका प्रमुख सुपरिवेक्षक सालीकराम तिमिल्सीनाले दिनुभएको थियो भने सहजिकरण सक्षम परियोजनाकी निर्मला पुरिले गर्नुभएको थियो । कार्यक्रमको सन्चालन नेपाल अपांग एकता समाज गुल्मीका सचिव तथा नयाँगाउ माबिका शिक्षक भिम प्रसाद पोख्रेलले गर्नुभएको थियो ।