११ असोज
गुल्मी जिल्लामा आइतबार थप ९ जनामा कोरोना संक्रमणको पुष्टि भएको छ । योसँगै जिल्लामा कोरोना संक्रमितको कुल संख्या ५१९ जना पुगेकोे स्वास्थ्य कार्यलय गुल्मीका परिवार नियोजन सुपरभाइजर गोपाल ब. कार्कीले जानकारी दिनुभयो । संक्रमितहुनेमा रुरुक्षेत्र गाउँपालिकाका ५ जना पुरुष र मदाने गाउँपालिकाका २ जना परुस र २ जना महिला गरी ४ जना रहेको कार्कीले बताउँनुभएको छ । जसमध्ये रुरुक्षेत्र गाउँपालिकाका ५ जनाको पिसिआर रिर्पोट रेसुङ्गा कोभिड प्रयोगशाला र मदाने गाउँपालिकाका ४ जनाको रिर्पोट प्रदेश जनस्वास्थ्य प्रयोगशाला भैरहवामा परिक्षण भएको कार्कीको भनाई छ । हालसम्म जिल्लामा संक्रमितमध्ये ४५० जना उपचार पछि निको भएर घर फर्किएका छन् भने ३ जनाको यसअघिनै मृत्यु भैसकेको छ ।
