असोज १३
जिल्लाको मुसिकोट नगरपालिकामा यहि महिनाको मसान्तसम्म केन्द्रीय विद्युतीकरण पुग्ने भएको छ । नेपाल विद्युत प्राधिकरण गुल्मी वितरण केन्द्रका प्रमुख नारायण अर्यालले बताएका हुन् । अहिले उक्त स्थानमा काम हुँदै गरेको र मसान्तसम्म विद्युतको पहुँच विस्तार हुने उनले दाबी गरे । मुसिकोटको केन्द्र वामीटक्सार बजारमा मसान्त भित्र र अन्य स्थान अर्लाङ्कोट पौँदीअमराई लगायतका क्षेत्रमा त्यसको केही समय विधुत सेवा पुग्ने जानकारी दिए । अन्य केही स्थानमा पनि केन्द्रीय विद्युतको पहुँच पुगे पश्चात गुल्मीमा झण्डै ९२ प्रतिशतमा केन्द्रीय विद्युत सेवाको पहुँच पुग्ने अर्यालको भनाई छ ।
