राधा पोख्रेल
गुल्मी / असोज १५
गुल्मीको धुर्कोट गाउपालीकाले अपांङगता भएका व्यक्तिहरुलाई घरघरमा पुगेर परिचय पत्र बितरण गरेको छ ।
अपांङगता समन्वय समितिका संयोजक शिब बहादुर खत्रीको नेतृत्वमा परिचय पत्र लिन कार्यालयसम्म आउन नसक्ने व्यक्तिहरुलाई घरमै पुगेर परिचय पत्र बितरण गरिएको हो ।यस अघि पनि थुपै्र अपांङगता भएको व्यक्तिहरुको घरघरमा पुगेर परिचय पत्र बितरण गरिएको थियो । यसपटक गाउपालीका उपाध्यक्ष तथा अपांङगता समन्वय समितिका संयोजक खत्री, स्वास्थ्य शाखा प्रमुख प्रेमलाल खनाल,महिला बिकास शाखा प्रमुख गंगा पन्थी लगायतको टोली घरघरमा पुगेको हो । वडा नम्बर १ निवासी नारायण बहादुर खत्री, वडा नम्बर २ निवासी उमकला खनाल,वडा नम्बर ६ का बेलबहादुर कामी, वडा नम्बर ७ निबासी खिमानन्द घिमिरे लाई क वर्गको रातो परिचयपत्र र वडा नम्बर २ सुफल निबासी सिताराम परियारलाई ख वर्गको निलो परिचय पत्र बितरण गरिएको छ । आज गाउपालीका कार्यालयमा क वर्गका ५ जनालाई, ख वर्गका १ जनालाई र ग वर्गका १ जना गरि ७ जनालाई परिचय पत्र बितरण गरिएको महिला बिकास शाखा प्रमुख गंगा पन्थीले जानकारी दिनुभयो । धुर्कोट गाउपालीकाले हरेक महिनाको १५ गते अपांङगता समन्वय समितिका संयोजक खत्रीको अध्यक्षतामा बैठक बसि परिचय पत्र बितरण गर्ने गरेको छ ।
