घनश्याम पौडेल
अर्घाखाँची /१६ असोज -अर्घाखाँची जिल्लाका प्रमुख जिल्ला अधिकारी विष्णु पौडेल र सहायक प्रमुख जिल्ला अधिकारी विक्रम थापालाई कोरोना संक्रमण पुष्टि भएको हो । प्रमुख जिल्ला अधिकारी, सहित ६ जनामा कोरोना पुष्टि भएको छ । दुई जना स्वास्थ्य क्रमी र अन्य दुई जनामा कोरोना पुष्टि भएको स्वास्थ्य कार्यालय अर्घाखाँचीले जनाएको छ । यस्तै प्रमुख जिल्ला अधिकारी पौडेलले पहिरो प्रभावितबाट पिडितहरूको उद्वारमा लाग्दा कोरोना संक्रमित भएको बताउँनुभएको छ । प्रशासन कार्यालयमा दुई जना सहायक प्रमुख जिल्ला मध्ये एक जना सहायक प्रमुख जिल्ला अधिकारी बिक्रम थापालाई कोरोना पुष्टि भएको र एक जना लाई कोरोना पुष्टि नभएकोले प्रशासन बाट हुने काम नरोकिने जिल्ला प्रशासन कार्यालय अर्घाखाँचीले जनाएको छ । जिल्लामा हाल सम्म ४ सय ७ जना कोरोना संक्रमित मध्ये कोरोना निको भएर ३सय ८ जना डिस्चार्ज भएका छ्न् । अब सक्रीय कोरोना संक्रमित संख्या १४ रहेको छ ।