तीन दिनदेखि बेपत्ता पुरुष खोलामा मृत फेला

मंसिर १६
तीन दिनदेखि बेपत्ता अर्घाखाँची जिल्लाको सन्धिखर्क नगरपालिका–१ हस्पिटल लाइनका ५५ वर्षीय लक्ष्मण न्यौपाने मृत फेला परेका छन्। उनको शव बाँगी खोलाको सोन्ठेमा फेला परेको प्रहरीले जनाएको छ। न्यौपाने आइतबारर दिउँसो ४ बजे घरबाट निस्किएका थिए। घरबाट निस्किएर बेपत्ता भएका उनको खोजी गर्दा बाँगी खोलामा पानीमा डुबिरहेको अवस्थामा प्रहरीले शव फेला परेको जिल्ला प्रहरी कार्यालय अर्घाखाँचीका सूचना अधिकारी रामनारायण गुप्ताले बताए। घटनाको बारेमा अनुसन्धान सुरु भएको प्रहरीले जनाएको छ ।