अनिल खत्री
१९ मंसिर, गुल्मी -गुल्मी सदरमुकाम तम्घासमा खानेपानीको समस्यालाई दिर्घकालिन रुपमा समाधान गर्ने उदेश्यले गौरवको आयोजना अन्र्तगत खानेपानी निर्माणको लागि शिलान्यास गरिएको छ ।
तम्घास बजारमा भइरहेको खानेपानीको समस्या हल गर्न जिल्लाको रेसुङ्गा नगरपालिकाको गौरवको आयोजना ‘रेसुङ्गा भाडगाँउ, मझेङ खोला’ खानेपानी आयोजना निर्माणका लागि शिलान्यास गरिएको गरिएको हो । जलवायु अनुकुलित बृहत खानेपानी आयोजना अन्र्तगत रेसुङ्गा नगरपालिकामा खानेपानीको समस्या समाधानका लागि रेसुङ्गा भाडगाँउ, मझेङ खोला खानेपानी आयोजनाको निर्माण कार्य सुरु भएको छ । खानेपानीको निर्माणको लागि रेसुङ्गा नगरपालिकाका नगरप्रमुख डिल्लीराज भुसालले एक कार्यक्रमका बिच शिलान्यास गरेका गरेका हुन् । गौरवको रुपमा सञ्चालन भएको आयोजनाको समयमै काम सम्पन्न गर्न समेत निर्माण व्यवसायीलाई रेसुङ्गा नगरपालिकाका मेयर डिल्लीराज भुसाल आग्रह समेत गर्नुभयो । आफनै कार्याकालमा नगरवासीलाई खानेपानी पुराउने आफनो सपना पुरा हुने नगरप्रमुख भुसालले बताउनु भयो । संघीय खानेपानी आयोजना डिभिजन कार्यालय अर्घाखाँची, उपभोक्ता समिति, तथा त्यस खानेपानी आयोजना निर्माणको जिम्मा लिएको कन्काई जयमाता जेभी प्रालिले निर्माणको जिम्मा लिएको छ । खानेपानी निर्माणको लागि २५ करोड १२ लाख लागत स्टमेटको सम्झौताको गरिएको छ । यो खानेपानी संचालनमा आएपछि कम्तिमा २० वर्षसम्म नगरपालिकामा पानीको अभाव नहुनेगरि निर्माण गनै लागिएको संघीएखानेपानी आयोजना डिभिजन कार्यालय अर्घाखाँचीका इन्जिनियर बिजय खरेर बताए । यो योजना सम्पन्न भएपछि नगरपालिकाको १४ वटै वडाहरुमा गुणस्तरिय शुद्ध खानेपानी घरघरमा पुर्याउने अक्ष्य नगरपालिकाले लिएको छ ।
यस खानेपानी आयोजना २१ महिनाभित्र सम्पन्न गरिसक्नुपर्छ । रेसुङ्गा नगरपालिकामा पछिल्लो केहि वर्ष यता तम्घास वासीले खानेपानीको समस्या झेल्दै आएका थिए ।खानेपानीको समस्या भएपछि तम्घासमै जमिन मुनिबाट बोरिङ्ग गरेर खानेपानी निकालिएको थियो ।
