मंसिर २२
गुल्मीको मुसिकोट नगरपालिका ७ वामीटक्सारबासीहरू न्युनगुणस्तरिय बिधुत प्रयोग गर्न बाध्य छन । बर्षाको कारण कुलो बगेर होस या त सडक मर्मत गर्दा कुलो भत्किएर जे होस यस्तै विविध कारणले बर्षको अधिकांस समय घरमा बिधुत आऊदैन । तर नियमित आऊछ त केवल उपभोक्ताले रकम बुझाऊनु पर्ने बिल । यदि बिधुत आई हाल्यो भने पनि लो भोल्टेजको आऊछ जसले गर्दा बिधुतिय सामाग्रीहरू बिग्रिने खतरा बढेको मदुस क्याफे वामीका सन्चालक बिबेक काफ्लेको भनाई रहेको छ । जसका कारण व्यवसाय नै खतरामा पुगेको काफ्लेले भने ।न्युनगुणस्तरिय बिधुत प्रयोगको कारण वामीटक्सारका उधोग, होटल, रेस्टुरेन्ट सन्चालकहरू सबै हैरानी ब्यहोर्न बाध्य छन । सबैको एऊटै धारणा छ की केन्द्रिय लाईन कहिले प्रयोग गर्न पाईएला ?
गत बर्ष नै यस वडामा स्टिल पोल हरू गाड्ने र तार टांग्ने काम सम्पन्न भएको थियो तर बर्षायाम शुरू भए पश्चात काम स्थगित भयो जसका कारण वडाबासीहरूको केन्द्रीय लाईनको बत्ती बाल्ने सपना पुरा हुन सकेन ।बर्षा समयको अन्त्य पछी पनि काम सुचारू गर्न ढिलाई हुदा मानिसहरू निकै दुस्खी र दिक्क बनिसकेका थिए । यतिखेर वामीटक्सारमा बिद्धुतीकरणको काम जोडतोडको रूपमा अगाडी बढेको छ । गतसाल गाडिएका तार बर्षा याममा ढलेका पो हरू पुन गाड्ने ,तार टांग्ने, ट्रान्समिटर राख्ने लगायतका कामहरू अगाडि बढाईएको छ । यदि यहि गतिमा काम अगाडि बढ्यो भने पुष १५ भित्र केन्द्रिय लाईनको बत्ती बोल्ने आसा पलाएको स्थानियले बताए ।
