२५ पुस
बागलुङ।बागलुङ को बडिगाड गाँउपालिका ३ सिसाखानीमा आज आगलागीहुदाँ एक घर र गोठ जलेर पुर्ण रुपमा नष्ट भएका छन । स्थानिय जिवन घर्तिको घरमा आज विहान करिब ८ बजे आगलागी हुदा खरले छाएको घर गोठ सहित १२ लाख बराबरको क्षती भएको वडा अध्यक्ष खड्क पुनले जानकारी दिनुभयो ।
विहानको समयमा आलगाली हुदाँ गोठमा रहेका पशुचौपाय भने जोगाउन सकिएको भएपनि घर भित्रका लताकपडा, अन्नपात साथै अन्य सामा्रगी जोखाउन नसकिएको पुनले बताउनुभयो । आगो निभाउने क्रममा घर्तिकी श्रीमति दिलमयाको खुट्टामा चोट लागेको र उपचारकोलागि गलकोट हटिया स्थित आरोग्य अस्पताल लगिएको पनि वडा अध्यक्ष पुनले बताउनुभयो ।
आगो के कारणले लाग्यो भने बारे केहि नखुलेको स्थानियले जनाएका छन । यता वडा र गाँउपालिकाले भने पिडित परिवारको लागि सहयोग गर्ने प्रतिबद्धता जानाएका छन ।
रकारले खरका छाना विस्थापित गर्ने कार्यक्रम संचालन गरेतापनि वास्तविक पिडित छनोटमा नपर्दा बर्षेनि आगलागीका घटना घटने गरेका छन ।