अनिल खत्री
१० फागुन/ गुल्मी – कतिपयले बैवाहिक वर्ष गाठको दिनमा ठूलो पार्टी आयोजना गरेर मनाउने गर्दछन् ।तर समाजमा केहि यस्ता पात्राहरु पनि छन् जसले बैवाहिक वर्ष गाठको खर्च सामाजिक कार्यमा खर्चिन्छन् ।
गुल्मीका एक युवा व्यवसायी तथा समाजसेवीले पनि फरक तरिकाले आफनो बिवाह वर्ष गाठ मनाएका छन् । जिल्लाको रेसुङ्गा नगरपालिका वडानम्बर–१ क्याम्पसरोडमा व्यवसाय गर्दै आएका जनक पन्थले पनि आफनो बैवाहिक वर्ष गाठको खर्च कटाए आशा अपाङ्गलाई सहयोग गरेका छन् । जिल्ला सदरमुकाम तम्घासमा रहेको आशा अपाङ्ग केन्द्रले अपाङ्गताको क्षेत्रमा काम गर्दै आइरहेको छ ।
त्यस केन्द्रमा पन्थले खाद्यन्न सामाग्री सहयोग गरेका हुन् । बिवाह वर्ष गाठको फजुल खर्चलाई कटाएर अपाङ्गताको क्षेत्रमा काम गर्ने संस्थालाई सानो भएपनि सहयोग गरौ भन्ने उदेश्यले सहयोग गरेको पन्थले बताए । बिवाह वर्ष गाठको फजुल खर्चलाई कटाएर अपाङ्गताको क्षेत्रमा काम गर्ने संस्थालाई सहयोग गरेकोमा संस्थाको तर्फबाट धन्यवाद दिएका थिए ।
पन्थले आफनो जन्म दिन पनि फरक तरिकाले मनाएका थिए । उनले यसवर्ष आफनो जन्म दिनको अबसर पारेर रुरुक्षेत्र गाउँपालिका रिडीमा रहेको मानव कल्याण बृद्धाआश्रममा पुगेर बृद्धाबृद्धहरुलाई सामुहिक भोजन गराएका थिए । उनि राष्ट्रिय लोक तथा दोहोरी गित प्रतिष्ठान नेपाल गुल्मी शाखाका निवर्तमान अध्यक्ष एवम उद्योग बाणिज्य संघ गुल्मीका सदस्य पदमा रहेर सामाजीक क्षेत्रमा काम गर्दै आएका छन् ।
