गुल्मी, फागुन १५ । नेपाल कम्युनिष्ट पार्टी ( नेकपा ) प्रचण्ड समुहका स्थाई कमिटी सदस्य तथा लुम्विनी प्रदेश कमिटीका सचिव जगप्रसाद शर्माले गत दुई महिना देखि र अब पनि केपी ओली प्रबृत्ति बिरुद्धको लडाई लडिने बताएका छन ।
शनिवार सो पार्टी गुल्मी जिल्ला कमिटीले आयोजना गरेको अगुवा कार्यकर्ता भेलामा नेता शर्माले भने–‘ केपी ओली ब्यक्ति विरुद्धको लडाई होईन यो केपी ओली प्रबृत्ति विरुद्धको लडाई हो । ’
‘केपी ओली ब्यक्तिलाई मात्र दोष दिएर पुग्दैन , ताकी केपी ओली प्रवृत्ति जन्माउन यहाँको एउटा वर्गको पनि हात छ जसले अहिलेको ब्यबस्था रुचाउँदैन । कम्युनिष्ट आन्दोलन सखाप होस भन्ने चाहन्छ । त्यसैले केपी ओली प्रबृत्तिको जन्म भएको हो ’– उनले भने ।
उनले केपी ओली प्रबृत्ति र केशर जंग रामयमाझी प्रबृत्ति एउटै भएको टिप्पणी गरे । केशर जंग रायमाझी महासचिव हुँदा नेपालको कम्युनिष्ट आन्दोलनलाई दरबारमा लगेर बुझाएका थिए । अहिले सांसद विगठन गर्नु
पनि केपी ओलीको कम्युनिष्ट आन्दोलन माथी प्रहार हो । उनले भने–‘ कम्युनिष्ट आन्दोलन माथी मात्रै प्रहार गरेनन ओलीले संविधान माथी पनि प्रहार गरे । राष्टवादका नाममा राष्ट्रियता माथी पनि गम्भीर प्रहार गरेका छन । अहिले कोपी ओली समुहमा जानु भएका कमरेडहरुले पनि समिक्षा गर्न जरुरी छ , हामीले त स्वयत पत्र नै जारि खडा गर्ने भएका छौं ।
