फाल्गुन २०
५ हजार ५३६ जनाको पीसीआर परीक्षण गर्दा मुलुकमा १०७ जना संक्रमित थपिए
नेपालमा थप १०७ जनामा कोरोना भाइरस संक्रमणको पुष्टि भएको छ । जसमा महिलाको संख्या ३७ र पुरुषको संख्या ७० रहेको छ ।
पछिल्लो २४ घण्टामा ५ हजार ५३६ जनाको कोरोना परीक्षण गर्दा सो संख्यामा संक्रमित थपिएका हुन् । नेपालमा संक्रमितको कुल संख्या २ लाख ७४ हजार ४८८ पुगेको छ । कोरोना भाइरस कोभिड–१९ को संक्रमणबाट पछिल्लो २४ घण्टामा देशभर ७८ जना निको भएर घर फर्किएका छन् ।
स्वास्थ्य तथा जनसंख्या मन्त्रालयका अनुसार डिस्चार्ज हुनेहरुको कुल संख्या २ लाख ७० हजार ६८३ पुगेको छ । त्यस्तै देशभर सक्रिय संक्रमितहरुको संख्या ७ सय ९५ रहेको छ ।
यसैगरी क्वारेन्टाइनमा रहनेको संख्या ५७ रहेको छ । पछिल्लो २४ घण्टामा देशभर ५ हजार ५३६ जनाको पीसीआर परीक्षण हुँदा हालसम्म कुल २१ लाख ७९ हजार ०४७ जनाको पीसीआर परीक्षण भएको छ । यसै गरी पछिल्लो २४ घण्टामा कुनै पनि संक्रमितको मृत्यु भएको छैन । हालसम्म नेपालका कोरोना संक्रमणबाट मृत्यु हुनेको संख्या ३ हजार १० पुगेको छ ।
