फागुन २३ ।कृष्ण अन्जान
रुरु
नेपालकै पवित्र धार्मिक स्थल रुरुधाममा यतिबेला विकासका पुर्वाधार हरु निर्माण भइ रहँदा यो क्षेत्रको घर जग्गाको भाउ आकासिएको छ ।
एक वर्ष अघि लाखमा बेचबिखन भइरहेका घर जग्गा यतिबेला करोड भन्दा तल कसैले कुरै गर्दैन ।
बजार क्षेत्रका घरहरुका मुल्य आकासिएका छन नै बसपार्क क्षेत्रबाट बन्दै गरेको कालिगण्डकी करिडोर तल माथिका जग्गा हातको पाँचलाख भन्दा माथि पुगेको र सोहि अनुपात मा खरिद बिक्री भइरहेको रिडी बजारका बिक्रम रायमाझि ले बताउनु भयो ।
कल्पना नै गर्न नसक्ने गरि घर जग्गाको आकासियो अबत यो क्षेत्रमा जग्गा कसैले बिक्री गर्न चाहँदैन रायमाझि भन्नु हुन्छ ।
हुन पनि वसपार्क देखि लामाचौपारीको माथिल्लो भागमामा तल माथि ठुला ठुला पक्कि घरहरु व्यापारीक प्रयोजनका लागि बनेका छन ।
बसपार्क क्षेत्रमा करोडौँको लागतमा स्थानिय युवा शैलेन्द्र दर्लामीले सुविधा सम्पन्न होटल बिहानीको निर्माण कार्य गरे सँगै निजलाई पछ्याउँदै अन्य व्यवसायी हरुले पनि होटल प्रयोजनका लागि घर बनाउने कार्य जारी राखेका छन ।
मुख्य रुपमा रिडीको धार्मीक पर्यटनका लागि रुरुक्षेत्रको गुरुयोजना सँगै शुरु भएको सँरचना निर्माण रिडीलाइ मुक्ति नाथ देवघाट देखि वाल्मीकि आस्रम सँग जोडने धार्मीक सर्किट कालिगण्डकी कतिडाोर पोखरा जोडने किपट आलम मिर्मी गल्याँग सडक मदन भण्डारी राजमार्ग लगाएतका आधा दर्जन सडकहरू केन्द्र रिडी बनेपछि रुरुक्षेत्रको रिडीबजारमा रहेका घर जग्गाको महत्त्व बढे सँगै मुल्य पनि बढेको हो ।
अब त बिक्रीका लागि जग्गै छैन बेचेर जानेहरु पछुताएका छन रिडी बजारका अजित श्रेष्ठले भन्नु भयो ।
बिक्रम सम्वत २०१८ सालको बाढि पछि खासै रिडीबजारले पुनर्निर्माणमा गति लिन नसकि रहँदा मुलुक सँघियता मा गई सकेपछि सँघिय र प्रदेश सरकारले स्थानिय तह सँग समन्वय गर्दै विकास गतिविधि सन्चालन भएपछि जग्गाको भाउ ह्वात्तै बढेको रुरुबाट सहकर्मी कृष्ण अन्जानले समाचार पठाउनु भएको छ ।
