फाल्गुन २४
महिला सुरक्षा सम्मान र रोजगार समृद्ध नेपालको आधार भन्ने मुल नाराका साथ १११औं अन्तर्राष्ट्रिय महिला दिवस सचेतना मुलक कार्यक्रम गरि सम्पन्न भएको छ ।
रेसुङ्गा नगरपालिका सामाजिक विकास डिभिजन कार्यलय महिला तथा बालबालिका तथा जेष्ठ नागरिक शाखा तम्घास गुल्मीको आयोजनामा रेसुङ्गा नगरपालिका १० सिमिचौर स्थित भगवती माध्यमिक विध्यालयको प्रांगणमा उक्त कार्यक्रम सोमबार सम्म्पन्न भएको हो ।
कार्यक्रममा स्वागत राख्दै रेसुङ्गा नगरपालिकाका प्रमुख प्रशासकिय अधिकृत भक्तिराम मरासिनीले महिलाहरुले आफ्नै घर बाटै नेतृत्वदायी भुमिका निवाह गर्न नसके आफ्नो अधिकारको रक्षा नहुने र समाजिक विकृति र विसंगति न्युन हुन नसक्ने बताउनुभयो ।
महिला अधिकार, महिला सशक्तीकरण,कानुनि व्यवस्था र महिला हिंसा निवारण विषयमा साहयक जिल्ला न्यायाधिवक्ता गुल्मीकी सुधा योगीले कार्यपत्र पस्तुत गर्नुभएको थियो ।
महिलाहरुले प्रतिस्पर्धाको भावना राखेर पुरुषहरुसंग सबै क्षेत्रमा प्रतिस्पर्धा गर्न सक्ने हो भने माहिलाहरुको आफ्नो अधिकार प्रप्तिका लागी सहज हुने रेसुङ्गा नगरपालिका वडा नं. १० का वडाध्यक्ष पदम प्रसाद अर्यालले बताउनुभयो ।
यस्तै कार्यक्रममा बोल्दै प्रहरी उपरिक्षक (एस.पि) गोपालचन्द्र भटराइले घरमा हुने साना तिना घरेलु हिंसाका समस्याहरु दबाएर नराख्न आग्रह गर्नुभयो । यस्ता घटनाहरु हरु प्रहरि कार्यलयमा आएमा त्यसको निश्पक्ष रुपमा अनुसन्धान गरेर न्याय दिलाउने कोशिस गर्ने प्रहरी उपरिक्षक (एस.पि) भटराईले बताउनु भयो ।
कार्यक्रममा बोल्दै उपप्रमुख सिता भण्डारीले नेपालको संविधानमा उल्लेख भएका हक तथा अधिकारहरुलाई पाउनको लागि महिलाहरु आफै अग्रसर भएर लाग्नुपर्नेमा जोड दिनुभयो ।
महिलाहरुको हक र अधिकारको बारेमा संविधानमा उल्लेख भएको र महिलाको पक्षमा धेर्रै कानुनहरु बनेका छन् तर पनि सोचे अनुसारको समानता हुन नसक्नु आफ्नै घरभित्रको समस्याको कारण रहेको प्रमुख जिल्ला अधिकारी रुद्रदेवी शर्माले बताउनुभयो ।
यस्तै रेसुङ्गा नगरपालिकाका मेयर डिल्लीराज भुसालले महिलाहरु घरमै बसेर अधिकार कसैले नदिने भन्दै आफ्नो अधिकार प्राप्त गर्न आफै अग्रसर हुन आग्रह गर्नुभयो । हरेक महिला कसै न कसैको आमा हो भन्दै महिलाको ठाउँ महत्वपुर्ण रहेका मेयर भुसालले बताउनुभयो ।
कार्यक्रममा भगवती माध्यमिक विद्यालयका विद्यार्थी छात्राहरुले नृत्य समेत प्रस्तुत गरेका थिए । त्यस मध्ये उक्त विद्यालयकी छात्रा विपना थापाको नृत्यबाट प्रभावित भएर प्रमुख जिल्ला अधिकारी रुद्रदेवी शर्माले नगद पुरस्कारले समेत सम्मान गर्नुभएको थियो । कार्यक्रममा रेसुङ्गा नगरपालिकाका वडासदस्य, नागरिक समाज गुल्मीका अध्यक्ष पदमप्रसाद पाण्डे, भगवती माध्यमिक बिद्यालयका प्रध्यानाध्यापक खेमराज आचार्य, राङ्गबास माबिका प्र.अ. गिरीप्रसाद अर्याल, व्राइटर बोडिङ्ग स्कुलका प्र.अ नन्दकुमार पोखरेल, माइकास्थान प्राबिका प्रअ कृष्णबहादुर पाण्डे, जनजागृति प्राबिका प्रअ गीता ज्ञवाली, सिमिचौर बिद्यालयका शिक्षक तथा कर्मचाीहरुको सहभागीता रहेको थियो । यस्तै कार्यक्रममा सिमिचौर स्वास्थ्यचौकीका सिनियर अनमी सिर्जना पोख्रेल, स्वास्थ्य संस्थामा कार्यरत कर्मचारी, सिमिचौर अतिरिक्त हुलाकका प्रमुख सुना पाण्डे, पत्रकार अजय खड्का लगायतको उपस्थिती रहेको थियो ।
