बुटवल ,फागुन २४
चुरामणि तिमिल्सिना
दीप बोर्डिङ हाई स्कूल बुटवलले विद्यालयमा कार्यरत महिला शिक्षक र कर्मचारीहरूलाई सम्मान गरेको छ ।
१११ औँ अन्तर्राष्ट्रिय महिला दिवसको अवसर पारेर विद्यालयले महिला शिक्षक र कर्मचारीहरूलाई सम्मान गरेको हो ।
कार्यक्रममा अन्तर्राष्ट्रिय महिला दिवसकी प्रणेता क्लारा जेटकिन र महिला दिवसको बारेमा विद्यालयका शिक्षक पुरुषोत्तम पाण्डेले प्रकाश पार्नुभएको थियो। कार्यक्रममा विद्यालयका प्राचार्य टीकाराम न्यौपाने प्रमुख अतिथि रहनु भएको थियो । कार्यक्रममा बोल्दै प्रमुख अतिथि न्यौपानेले देशको शैक्षिक, आर्थिक लगायत समग्र राष्ट्रको समृद्धिमा आधा आकाश ढाकेका महिलाहरूको महत्वपूर्ण भूमिका रहेको भन्दै महिलाप्रति सम्मानको भाव व्यक्तिदेखि राष्ट्रका सबै अङ्गहरूले गर्नुपर्ने बताउनुभएको थियो ।
विद्यालयका उपप्रचार्य कलाधर अर्याल र ज्ञानु थापाको आतिथ्यतामा सम्पन्न कार्यक्रमको सञ्चलान उप प्राचार्य तथा अतिरिक्त क्रियाकलाप विभाग प्रमुख सुरेन्द्रकुमार शाक्यले गर्नुभएको थियो भने कार्यक्रमको व्यवस्थापन विद्यालयका सामाजिक विषय प्रमुख अमर खत्रीले गर्नुभएको छ
