२५ फागुन,
सिमेन्ट बोकेको ट्रक त्रिशूलीमा खस्दा दुई जनाको ज्यान गयो
रुपन्देहीको भैरहवाबाट सिमेन्ट बोकेर काठमाण्डौ जादै गरेको ट्रक धादिङमा दुर्घटना हुँदा दुई जनाको ज्यान गएको छ । पृथ्वी राजमार्गको बेनीघाटबाट लु १ ख ७७६३ नम्बरको ट्रक त्रिशूली नदीमा खस्दा दुई जनाको ज्यान गएको हो ।
ट्रक नदीमा खस्दा ट्रकका चालक काभ्रेको बनेपा नगरपालिकाका ४५ वर्षीय विष्णु घिमिरे र सहचालक २८ वर्षीय सुमन सञ्जेलको ज्यान गएको हो । दुर्घटनाबारे अनुसन्धान भइरहेको इलाका प्रहरी कार्यालय गजुरीका प्रहरी निरीक्षक (इन्स्पेक्टर) भोजराज पाण्डेयले जानकारी दिनुभएको छ ।
