तिलाचन पाण्डे
चैत ११,२०७७ गुल्मी ः गुल्मीमा आगलागीका कारण ४ घर र २ गोठ जलेर नष्ट भएका छन् ।
जिल्लाको कालीगण्डकी गाउँपालिका वडा नम्वर २ अर्बेनी भएकोटको आरन थरमा आगलागीका कारण चार घर र दूई गोठमा आगलागी भएको स्थानीय चित्रबहादुर थापाले जानकारी दिए ।
दिउँसो करिब ५ बजेतिर स्थानीय धनबहादुर सुनार ,उर्मिला सुनार,तुलबहादुर सुनारको घर ,जितबहादुर सुनारको घर र गोठ र इन्द्रबहादुर सुनारको गोठ जलेर नष्ट भएको छ । उर्मिलाको घरबाट निस्केको आगोका कारण अन्यको घरमा सल्केको स्थानीयले जनाएका छन् ।
त्यस स्थानमा पानीको समस्या भएका कारण आगलागीलाई नियन्त्रणमा लिन सकिएको छैन । आगलागीलाई नियन्त्रणमा लिनका लागि स्थानीयहरु जुटेका छन् ।
यता गुल्मी जिल्लाकी प्रमुख जिल्ला अधिकारी रुद्रादेबि शर्माले आगलागी नियन्त्रणमा लिनका लागि पुर्तिघाट प्रहरी चोकीको टोली घटना स्थलतर्फ गएको जानकारी दिइन् । चौकीदेखि त्यस स्थानतर्फ जानका लागि करिब एक घण्टा लाग्छ ।
आगो नियन्त्रणमा नआइसकेको र क्षतीको बिस्तृत विवरण आउँन बाँकी छ ।
यस्तै गुल्मीको मुसिकोट नगरपालिका ५ आपचौरको खर्बाङ्ग देखि भीषण आगलागि भएको छ। खर्बाङ्ग गाउँ देखि तल झरेको आगो खर्यान तथा जङ्गल हुँदै तल अमलाबोट गाउँ तिर छिरेको छ। करिब ४ बजे देखि लागेको आगोमा कोहि पनि नजिक जान नसकिएकोस्थानीयले बताएका छन। अब केहि समयमै तल अमलाबोट तथा धुमिको गाउमा जोखिम हुने स्थानीयले बताउदै त्रसित भएका छन।
