दिपेन्द्र खत्री,१४ चैत,
अर्घाखाँची – जिल्लाको छत्रदेव गाउँपालिका वडा नः८ अर्घातोष मानीपोखरा मा दुईदिने महिला तथा दलित लक्षित कानुनी प्रशिक्षण तथा गोष्ठी कार्यक्रम आज सम्पन्न भएको छ।
दुईदिन वडा भित्रका महिला तथा दलित समुदायका महिला लाई लक्षित गरि ६० जना महिलाहरुलाई कानुनी प्रशिक्षण तालिम प्रदान गरिएको वडा सचिव पुस्पराज भण्डारीले जानकारी दिनु भयो।
कार्यक्रम को सहजिकरण गर्दै कार्यक्रम सहजकर्ता पुरुषबाट बिष्णु प्रसाद बराल, छत्रदेव गाउँपालिका वडा न। ८ का पुर्व वडा सचिव बालकृष्ण पाण्डे र महिला बाट छत्रदेव गाउँपालिका महिला तथा बालबालिका इकाई प्रमुख शारदा विकले नेपाली समाजमा हुने जातीय विभेद अन्त्य ,कानुन सम्बन्धी परामर्श ,महिला हिम्सा, महिला अधिकार, लैंगिक हिम्सा, घरेलु हिस्सा , मुलुकी देवानी संहिता ले गरेको व्यवस्था, मुलुकि अपराध संहिता सम्बन्धि जानकारी, जातिय विभेद अधिकार र कानुनी उपचार, महिला अधिकार, घरेलुु हिंसा सम्बन्धि जानकारी, देवानी तथा फैजदारी कार्यविधि लगायतका कुराहरु सबै समक्ष प्रष्ट पर्नु भएको थियो ।
समाजमा भैरहने छुवाछुत, अन्तरजातीय विवाह, गरिबी, अशिक्षा, चेतनाको कमीका कारण दलित महिला अरुभन्दा बढी हिंसामा परिरहेको छत्रदेव गाउँपालिका प्रमुख प्रशासकीय अधिकृत पवन अर्यालले बताउनु भयो । यसको अन्त्यका लागि यो कार्यक्रम आयोजना गरिएको उहाँले भन्नू भयो । हाम्रै समाजमा नै दलितलाई विभेद हुने गरेको बताउँदै उहाँले महिला तथा दलित प्रशिक्षाथी लाई कानुनबारे सचेतना गराउनु भयो ।
त्यस्तै कार्यक्रममा बोल्दै छत्रदेव गाउँपालिका वडा न ८ का वडा अध्यक्ष राजकुमार क्षेष्ठ ले तालिम बाट सिकेका कुरा लाई आफ्नो व्यक्ति गत व्यबहारमा र समाजमा समेत कार्यान्वयन गर्न आग्रह गर्नुभयो ।
वडा अध्यक्ष राजकुमार क्षेष्ठको अध्यक्षतामा सम्पन्न भएको कार्यक्रममा छत्रदेव गाउँपालिका प्रमुख प्रशासकीय अधिकृत पवन अर्यालको प्रमुख अतिथि छत्रदेव गाउँपालिका न्यायीक समिति सदस्य तथा वडा नः५ वडा अध्यक्ष बालकृष्ण क्षेष्ठको बिशेष अतिथी,कार्यपालिका सदस्य शारदा खनाल को स्वागत मन्तव्य रहेको कार्यक्रम को संचालन वडा सचिव पुस्पराज भण्डारी भर्नुभएको थियो । जस कार्यक्रममा जनप्रतिनिधिहरु,राजनीति दलका प्रतिनिधि, कर्मचारी ,पत्रकार लगायतको उपस्थिति रहेको थियो ।
