गुल्मी,चैत २१ – गुल्मीको छत्रकोट गाउपालीका वडा नम्बर ४ दिगाममा २ वटा सामुदायिक स्वास्थ्य इकाइ भवनको शिलन्यास गरिएको छ ।
शुक्रबार वडाध्यक्ष डिलाराम न्याउपानेको अध्यक्षतामा दिगाममा २ वटा सामुदायिक स्वास्थ्य इकाइ भवनको शिलन्यास गरिएको हो । बोखर र बोहा स्वास्थ्य इकाईको गाउपालीका अध्यक्ष मधुकृष्ण पन्त र वडाध्यक्ष न्याउपानेले शिलन्यास गर्नुभएको हो । कार्यक्रममा उपाध्यक्ष नर्मदा भण्डारी, कार्यपालीका सदस्य रुनमाया सिंजाली,वडा सदस्य यम बहादुर नेपाली, साबित्रा बिक,लगायत स्थानियको सहभागिता रहेको थियो ।
बोखर सामुदायिक स्वास्थ्य भवनको लागि गाउपालीकाका प्रमुख प्रशासकिय अधिकृत दामोदर भण्डारीको परिवारले निशुल्क जग्गा उपलब्ध गराएको थियो ।
बोहा सामुदायिक स्वास्थ्य इकाई भवनको लागि स्थानिय बलराम ज्ञवाली र भुपाल ज्ञवालीले जग्गा उपलब्ध गराउनुभएको थियो ।जग्गादाता दुवैजनालाई गाउपालीकाको तर्फबाट सम्मान गरिएको थियो । करिब १ करोडको लगानाीमा गाउपालीकामा ५ वटा स्वास्थ्य इकाई भवन निर्माण सुरु भएका छन । कार्यक्रमको सहजिकरण प्रमुख प्रशासकिय अधिकृत दामोदर भण्डारीले गर्नुभएको थियो ।
