राधा पोख्रेल
गुल्मी / बैशाख ७- जिल्ला कोभिड १९ संकट व्यवस्थापन केन्द्र गुल्मीको बैठक सम्पन्न भएको छ ।
कोरोना संक्रमणको जोखिम तिव्र रुपमा फैलिरहेकाले मन्त्रीपरिषदको २०७८ साल बैशाख ६ गतेको बैठकको निर्णय अनुसार बिद्यालय र कलेजका निर्धारित परिक्षा जनस्वास्थ्यको मापदण्ड पालना गरि सन्चालन गर्ने,कोरोना संक्रमण देखिएको बिद्यालय र कलेज मात्र निश्चित समयको लागि बन्द गर्ने र सोको जानकारी डिसिसि एमसिलाई गराउने ,पार्टीप्यालेस, जिमखाना,आमसभा जुलुस, खेलकुद र मानीसहरुको भिडभाड हुने सबै प्रकारका कार्यक्रमहरु बन्द गर्ने निर्णय भएको छ ।
नियमित हुने नित्यपुजा,ध्यान र प्रार्थना बाहेक मठ, मन्दीर ,मस्जित ,गुम्बा,चर्च लगायतका धार्मिक स्थलहरु बन्द गरिने भएको छ ।
बिबाह,ब्रतबन्धमा र मलामी जादा २५ जना मात्रै सहभागि हुने ,सभा,सम्मेलन गोष्ठि ,बैठक, तालिम ,प्रशिक्षण जस्ता कार्यहरु भर्चुअल माध्यमबाट गर्ने, यदि भौतिक रुपमा उपस्थित हुन परेमा जनस्वास्थ्यको मापदण्ड पालना गरेर २५ जना मात्रै सहभागि हुनुपर्ने छ ।
सार्वजनिक गाडिमा सिट क्षमता भन्दा बढि यात्रु नराख्ने , सार्वजनिक यातायात,कार्यालय र पसल जस्ता सार्वजनिक स्थलहरुमा मास्क र सेनिटाइजरको प्रयोग अनिवार्य गर्ने ,होटल तथा रेस्टुरेन्ट बिहान ८ बजेदेखि राति ८ बजेसम्म मात्र सन्चालन गर्ने निर्णय भएको छ ।
कोभिड १९ को लक्ष्यण भएका व्यक्तिहरुको कोरोना परिक्षण गराउने र पोजेटिभ देखिएमा कन्ट्राक ट्रेसिङ गर्ने ,६० वर्ष माथिका नागरिक, दिर्घ रोग भएका व्यक्तिलाई घरबाहिर ननिस्कन आग्रह गर्ने यदि निस्कनै परे स्वास्थ्य मापदण्ड पालना गर्न आग्रह गर्ने निर्णय भएको छ ।
यस्तै माक्स खै अभियान सन्चालन गर्ने १ हप्तासम्म सुधार नभए माक्स नलगाउनेबाट जरिवाना लिनेपनि निर्णय भएको छ ।जिल्ला प्रशासन कार्यालय गुल्मीले निम्न अपिल गरेको छ ।
