कृष्ण अन्जान
रुरु,बैशाख ८- समुदायमा अत्यधिक रोग जीवनशैलिका कारण लागेको निष्कर्ष रिडीमा आयोजित एक स्वास्थ्य सम्बन्धि कार्यक्रमका वक्ताहरुले निकालेका छन ।
बुटवल स्थित मेडिटेक इन्टरनेशनल एकेडेमी बाट रुरु प्राथमिक स्वास्थ केन्द्रमा इन्टर्नसिपमा आएका विध्यार्थीहरुले स्थानीय समुदायमा गरेको अध्ययन अनुसन्धानबाट उक्त तथ्य पत्ता लगाएका हुन । दुई महिनामा स्थानिय एक्लेपिपल थोर्गा ठाडाखोला ठुलापोखरा लगाएतका ठाउँहरुमा गरिएका फिल्ड अबधारणा क्रममा जीवन शैलीका कारणले लाग्ने रोग मधुमेह रक्त चाप क्यान्सर लगाएतका रोग हरु बढेको विध्यार्थि हरुले निष्कर्ष निकालेका हुन । यी रोग सँगै गाउँघर र समुदायमा डिप्रेशन पनि बढेको उनिहरुको निष्कर्ष छ । कार्यक्रममा बोल्दै रिडी प्राथमिक स्वास्थ केन्द्र का प्रमुख डाक्टर विकास पन्थिले विध्यार्थि हरुले भने झैँ जीवन शैलि परिवर्तन गर्न र रोगहरुबाट बच्न आग्रह गर्नु भएको थियो ।
कार्यक्रममा वोल्दै रुरु प्राथमिक स्वास्थ केन्द्र सन्चालक समितिका सदस्य जीवन कसजुले गाउँघरको समुदायमा विध्यार्थिले लिएको तथ्यांकले जीवन शैलीबाट हुने रोग हरुबारे निकाल्नु भएको निष्कर्ष र निराकरण को उपाए औँल्याइ दिनु भएको मा धन्यवाद दिनु भयो । कार्यक्रममा बोल्दै इन्टर्नसिप मा आएका विध्यार्थि ग्रुप लिडर शिव पन्थिले प्राथमिक स्वास्थ केन्द्र का चिकित्सक कर्मचारी र समुदायले गरेको सहयोगको प्रशंसा गर्नु भएको थियो । कार्यक्रम रुरु प्राथमिक स्वास्थ केन्द्र का सन्चालक समितिका अध्यक्ष रामलाल विश्वकर्माको अध्यक्षतामा भएको र कार्यक्रम सन्चालन मेडिटेक इन्टरनेशनल एकेडेमीका विध्यार्थी जीवन तिवारीले गर्नु भएको थियो ।
