प्रेम सुनार
गुल्मी, बैशाख ११ । शनिवार नेकपा एमाले स्थाई कमिटी सदस्य तथा पुर्वमन्त्री गोकणराज बिष्टले सदरमुकाम तम्घासमा हालै सम्पन्न भएको किरण पुस्तकालयको अत्याधुनिक भवनमा पुरानो पुस्ताकालयबाट पुस्तकहरु स्थानान्तरण गर्ने कार्यको शुभारम्भ गरेका छन ।
पुर्वमन्त्री बिष्टकै पहलमा करिव ४ करोड लागतमा बनेको ई–लाईबेरी सहितको चार तले आधुनिक सुविधा सहितको भवनमा किरण पुस्ताकालयका अध्यक्ष शशी पन्थी लगायतको टोलीले पुजा पाठ सहित पुस्तक पुर्वमन्त्री बिष्टद्धारा पुस्तक स्थानान्तरणको शुभारम्भ गराएका हुन ।
१० वटा कोठा , सभाहल , पुस्तक वाचानालय, अग्नी नियन्त्रण सुविधा समेतको भवन गुल्मीमा पहिलो पटक बनेको हो । तल पार्किङ्ग सुविधा , सुन्दर बगैचा सहित सदरमुकाम तम्घास कै शोभा बढाउने भवनको शुभारम्भ गर्दै मन्त्री बिष्टले पनि खुशी प्रकट गरे ।
किरण पुस्ताकालयका अध्यक्ष तथा हाम्रो पुरुषार्थ त्रैमाशिक पत्रिकाका सम्पादक शशी पन्थीका अनुसार २०२४ सालमा पिएचडी गर्ने पश्चिम नेपालकै पहिलो ब्यक्ति गुल्मीका टिकाराम पन्थी सहित तत्कालिन समयका विध्वानहरु मिलेर सदरमुकाम तम्घासमा पुस्कालय खोल्ने परिकल्पना गरेका थिए ।
जति बेला पुस्ताकालय राख्ने स्थानको अभाव भए पछि सानो गाई गोठबाट २०२५ साल देखि किरण पुस्ताकालय सञ्चालनमा ल्याईएको थियो । २०२७ सालमा एकतले कच्ची भवनमा अलि ब्यवस्थित ढंगले सञ्चालन गर्ने भन्दै सञ्चाक समिति पनि गठन भएको त्यसको अध्यक्ष डाक्टर टिकाराम पन्थी भएको र २०३० साल सम्म उनी नै अध्यक्ष रहेका थिए ।
२०३५ सालमा हाल सम्मको दुई तले भवनमा किरण पुस्ताकालय अहिले आधुनिक र सुविधा सम्पन्न भवनमा सार्न पाएकोमा पन्थी सहितका सञ्चालन समितिले खुशी प्रकट गरेका थिए ।
लगत्तै मन्त्री गोकणराज बिष्ट मुसिकोट नगरपालिकाका विभन्न विद्यालयका समस्याहरु बुझ्दै वडा नम्वर १ को पौदीअमराई स्वास्थ्य चौकी भवनको शिलान्यास गर्न पुगेका थिए । समय अभाव भएको भन्दै छोटो मन्तब्य राखेका उनले जनताको समस्याहरु धेरै भएको तर सबै पुरा गर्न तत्काल नसके पनि विकासका धेरै कामहरु भई रहेको दावी गरेका थिए ।
उनले महिलाहरुले धेरै टाढाबाट खानेपानी बोकेर ल्याउँदा निकै समस्या भएकोले घर घरमा धाराको सुविधा पुराउन लागिएको बताएका थिए ।
