बैशाख २७
गुल्मीमा पछिल्लो समय कोरोना संक्रमितको दरमा बृद्धि भएको छ । पछिल्लो २४ घण्टामा १०६ जनामा कोरोना संक्रमण पुष्टि भएको छ भने ९५ जना डिस्चार्ज भएका छन ।
गएको २४ घण्टामा जिल्लामा ५ जनाको ज्यान गएको छ । सत्यवति गाउपालीकाको २ जना ,इस्मा गाउपालीकाको १ जना, रुरुक्षेत्र गाउपालीकाको १ जना, र धुर्कोट गाउपालीकाका १ जनाको ज्यान गएको स्वास्थ्य कार्यालय गुल्मीले जनाएको छ ।
जिल्लामा अहिले ६०१ जना संक्रिय संक्रमित रहेका छन । जसमध्ये ५८० जना होम आइसोलेसनमा र २१ जना हस्पीटलको आइसोलेसनमा रहेको स्वास्थ्य कार्यालय गुल्मीले जनाएको छ । गुल्मीमा पछिल्लो चरणको संक्रमणका कारण २७ जनाको ज्यान गइसकेको छ ।
