राधा पोख्रेल ,
जेठ ११, तम्घास – गुल्मीमा पछिल्लो २४ घण्टामा कोरोना संक्रमणबाट मृत्यु हुनेको संङख्या शुन्य रहेको छ ।
जिल्लामा हिजो २ जना कोरोना संक्रमितले ज्यान गुमाएका थिए । अहिलेसम्म गुल्मीमा कोरोनाले ६८ जनाको ज्यान लिएको छ । जिल्लामा पछिल्लो २४ घण्टामा ७१ जना कोरोना संक्रमण मुक्त भएका छन । योसगै जिल्लामा कुल ९ सय जना कोरोना जितेर घर फर्किएको स्वास्थ्य कार्यालय गुल्मीका सिआइसिटि अफिसर सुजन ढकालले जानकारी दिनुभयो । यस्तै पछिल्लो २४ घण्टामा जिल्लामा थप ३२ जनामा कोरोना पुष्टि भएको छ । पिसिआर परिक्षण गर्दा २ जना र एन्टीजेन परिक्षण गर्दा ३० गरि ३२ जनामा कोरोना भाइरसको संक्रमण पुष्टी भएको हो । मुसिकोट नगरपालीकाको १ जना,कालीगण्डकी गाउपालीकाको १ जना, सत्यवति गाउपालीकाको १ जना,रुरुक्षेत्र गाउपालीकाको २० जना , छत्रकोट गाउपालीकाको ८ जना,गुल्मी दरबार गाउपालीकाको १ जना गरि ३२ जनामा कोरोना संक्रमण पुष्टि भएको छ । जिल्लामा संक्रयि संक्रमित ८९१ जना रहेको स्वास्थ्य कार्यालय गुल्मीले जनाएको छ ।
