असार २,
गुल्मी – गुल्मीको छत्रकोट गाउँपालिकामा निर्माण गर्न लागिएको अस्पतालका बिषयमा स्थानियले गाउँपालिकाको ध्यानाकर्षण गराएका छन । अस्पताल बनाउन सिलन्यास गरिएको स्थानमा जग्गा ब्यवस्थापन गर्न कठिन भएको र भबिस्यमा जग्गा पनि सागुरो हुने भएको भन्दै स्थानियले गाउँपालिकाको ध्यानाकर्षण गराएका हुन ।
श्रृङ्गा प्राथमिक स्वास्थ्य केन्द्र छत्रकोट गुल्मीको स्तरउन्नती गरि १५ सैयाको अस्पताल बनाउने संघिय सरकारको कार्यक्रम स्थानिय बिभाजित हुदा अलपत्र भएको छ ।जग्गा ब्यवस्थापनको बिषयमा स्थानिय दुई समुहमा बिभाजित भई, एक समुहले सिलन्यास भएको स्थानमै हुनु पर्ने र अर्को समुहले अस्पतालको भबिस्य हेरी फराकिलो ठाउँमा बनाउनु पर्नेमा दबाब बढाई, स्थानिय एकमत हुन नसक्दा निमार्ण कार्य अलपत्र परेको हो ।ध्यानाकर्षण पत्र प्रमुख प्रशासकिय अधिकृत पुण्य प्रसाद पौड्याललाई हस्तान्तरण गर्दै स्थानिय दान बहादुर थापा र केशब कंडेल देबिदत्त कडेल लगायतले हाल श्रृङ्गा प्राथमिक स्वास्थ्य केन्द्र भएको स्थानमा आवश्यक जग्गा प्राप्त गर्न कठिन भएको र त्यहाँ खर्चिने रकमले नजकिै धैयार भन्ने स्थानमा केहि जग्गा स्थानियले निशुल्क उपलब्ध गराएको र सस्तो मुल्यमा आवश्यक जग्गा प्राप्त भएकोले घैयार नै उपयुक्त भएको बताउनु भएको थियो ।
ध्यानाकर्षण पत्र बुझ्दै प्रमुख प्रशासकिय अधिकृत पुण्य प्रसाद पौड्यालले नियमानुसार गाउँपालिका अगाडि बढ्ने बताउनु भएको थियो ।यस भन्दा पहिले जेठ २७ गते पनि स्थानिय नै सिलन्यास गरिएको स्थानमै अस्पताल बनाउन दबाब स्वरुप गाउँपालिकाको ध्यानाकर्षण गराउन पुगेका थिए ।दुबै समुहले अस्पताल बनाउन दबाब सृजना गरेको जग्गा नव निर्मित श्रृङ्गा प्रहरी चौकी देखि श्रृङ्गा प्राथमिक स्वास्थ्यकेन्द्रको बिचको भु–भाग भित्र छ ।
