रिडी रुद्रवेणि सडक सुचारु
कृष्ण अन्जान
रुरु
अविरल रुपमा परेको मनसुनी वर्षाका कारण अवरुद्द बनेको रिडी रुद्रवेणि सडक खण्ड सुचारु भएको छ ।
रिडी देखि रुद्रवेणि सडक खण्डको करिव आधा दर्जन ठाउँमा गएको पहिरोका कारण करिव अडचालिस घण्टा देखि अवरुद्द सडक विहिवार अपरान्ह देखि सुचारु भएको रिडी इलाका प्रहरी कार्यालयका इन्चार्ज प्रहरी निरिक्षक शुभराज बमले जानकारी गराउनु भयो ।
यो क्षेत्रमा कालिगण्डकी करिडोर तथा रुरुवाँध लगाएतका निर्माणका काम गरिरहेको शर्मा एण्ड सगुन कन्ट्रक्सनका जेसिभिको सहयोगले सडक खुलाउने काम भएको प्रहरी निरिक्षक बमले बताउनु भयो ।
बुधवार पनि सडक खुलाउने प्रयास गरिएपनि भिषण वर्षाका कारण वाटो खुल्न सकेको थिएन ।
सडक अवरुद्द भएपछि रिडी र रुद्रवेणिमा साना सवारी तथा ढुवानिका साधन रोकिएका थिए ।
यसै विच कालिगण्डकीमा आएको बाढिले बन्दै गरेको तिनमुखे पुलका महत्त्वपूर्ण सामान हरु बगाएको रिडी बाट सुन्दर कसजुले जानकारी दिनु भयो ।
वाढिकै कारण स्याङ्जा र गुल्मी जोड्ने पुल कालिगण्डकी करिडोर लाई समेत प्रभाव पारेको छ भने गुल्मी तर्फको लामाचौपारी र पाल्पा क्षेत्रमा ऋषिकेश मन्दिरको गेट क्षेत्रमा व्यापार व्यवसाय गर्ने व्यापारीलाई क्षति पुर्याएको छ ।
यतिवेला भने कालिगण्डकी नदिको बहाव कम भएपछि रिडीवासिले राहत महसुस गरेको कसजुले जानकारी दिनु भयो ।
