चुरामणि तिमिल्सीना
रिडि,असार ४- पाल्पाको रिब्दिकोट गाउँपालिकामा १६० जना ८४बर्ष उमेर पुगेका जेष्ठ नागरिकलाई विभिन्न सेवा सुविधा प्रदान गरिएको छ ।
मुख्यमन्त्री ग्रामीण बिकास तथा रोजगार कार्यक्रमले रिब्दीकोट गाउँपालिका क्षेत्र भित्र रहेका स्वास्थ्य संस्थाहरुबाट जेष्ठ नागरिक ८४ बर्ष माथिकाहरुको स्वास्थ्य परिक्षण गरि पोषण युक्त आहार, हात धुने साबुन , मास्क लगाएत औषधी वितरण गरिएको पालिकाका अध्यक्ष नारायण बहादुर जिशीले जानकारी दिनुभयो । घर बाट स्वास्थ्य परिक्षण गर्न जान नसकेका , भिटामिन युक्त खाने कुराको अभाव भएका र सामान्य औषधि पनि अभाव भइरहेका बेला यो कार्यक्रम आयोजना गरिएको पालिकाकी उपाध्यक्ष लक्ष्मी खनालले बताउनु भएको छ ।
यता यसै पालिकाका प्रमुख प्रशासकिय अधिकृत प्रेम चन्द्र अर्यालले स्वास्थ्य क्षेत्र सुधार गर्नका लागि विनियोजन गरिएको सबै रकम यसै शीर्षकमा खर्च गरिएको र आगामी दिनहरुमा पनि स्वास्थ्य जस्तो क्षेत्रमा पालिकाको कुनै पनि स्थानमा कमि नहुने बताउनु भयो। पालिकाका स्वास्थ शाखा प्रमुख सुनिल अधिकारीले आफु पालिकामा आएपछी स्वास्थ्य क्षेत्रमा परिबर्तन आएको ,महिला स्वास्थ्य स्वयमसेविकाहरुसित दिनहु सम्पर्कमा रहि काम गरिरहेको , आफ्नो कार्य क्षेत्रका स्वास्थ चौकीहरुमा अनुगमन गरी निर्देशन दिएको बताउनुभएको थियो । स्वास्थ्यका स्टार्फहरुसग समय समयमा अन्तरक्रिया गरेर पनि स्वास्थ्य समस्या समाधान गरेको उहाको भनाई छ ।
