पाल्पाको तिनाउ गाउँपालिका ५ मा पहिरोले घर बगाउँदा एक जनाको मृत्यु,एक बेपत्ता, ८ जना घाइते
पाल्पाको तिनाउ गाउँपालिका ५ मा पहिरोले ७ घर बगाउँदा एक जनाको मृत्यु भएको छ भने एक बालक बेपत्ता भएका छन् ।
तिनाउ गाउपालिका ५ चोबिस किलोको ढुंगाखानी भन्ने ठाउमा पहिरो जादा ४५ वर्षीय वीरबहादुर गुरुङको पहिरोमा पुरिएर मृत्यु भएको र स्थानीय पूजा परियारका चार वर्षीय छोरा बेपत्ता भएका छन ।
प्रमुख जिल्ला अधिकारी योगेन्द्र प्रसाद पाण्डेयका अनुसार तिनाउँ गाउँपालिकाको सिद्धार्थ राजमार्ग अन्तर्गत गिट्टी खानी स्थित पहिरो जाँदा ५ घरमा पूर्ण रुपमा क्षति पुगेको छ ।
पहिरोमा परी एकजनाको मृत्यू भएको छ भने १ जना वेपत्ता भएका छन् । यस्तै ८ जना घाइते भएको प्रहरी नायव उपरिक्षक रामेश्वर त्वातीले जानकारी दिनुभयो ।
यस्तै घटनामा सोही स्थानमा बस्ने बर्ष ७५ की सुन्दरी गुरुङ घाइते हुनुभएको छ । उहाँको अबस्था गम्भिर रहेको छ ।यस्तै पहिरोले स्थानीय बर्ष २६ को रमेश परियार, २४ वर्षकी पुजा परियार, ५० वर्ष को बल बहादुर पुन, २० वर्ष को आकाश तामाङ, २२ वर्षको दिल बहादुर राना र दिपेश पुन घाइते हुनुभएको छ । उहाँहरुको अवस्था सामान्य रहेको छ ।घाइतेको लुम्बिनी मेडिकल कलेजमा उपचार भइरहेको छ।
