चुरामणी तिमिल्सिना
रिडि,असार २६- गुल्मीको रुरुक्षेत्र गाउँपालिका वडा नम्बर ३ थानपतिमा कृषि विकास बैंक रिडी साखाले २ फिटअग्लो सिङ्गग मर्मरको दुर्गा भगवती माताको मुर्ती तथा १ थान साउन्ड सिस्टम हस्तान्तरण गरेको छ ।हस्तान्तरण कार्यक्रममा मन्दिर व्यवस्थापन समितिका अध्यक्ष नर्हरी ज्ञवालीको अध्यक्षता ,गाउँपालिकाका अध्यक्ष निलकण्ठ गौतमको प्रमुख आथित्यता, . बैंकका प्रबन्धक डोलराज पाठकको बिशिष्ट आथित्यता रहेको थियो।
कार्यक्रममा बोल्दै प्रमुख अतिथि अध्यक्ष गौतमले समाजका हरेक क्रियाकलापमा कृषि विकास बैंकको ठुलो योगदान रहेकाले धन्यवाद दिदै आगामी दिनहरुमा पनि यस्तै रचनात्मक कार्यक्रममा हात फैलाउने छ भन्दै शुभकामना दिनुभयो। सामाग्री हस्तान्तरण गर्दै बैंकका प्रबन्धक पाठकले यी कार्यक्रमहरु सामाजिक उत्तरदायित्व अन्तर्गत सन्चालन गरिएकोले आगामी दिनहरुमा पनि बैंक संङ्घ सहकार्य गरेर अगाडी बढेमा थप सहयोग उपलब्ध हुने बिश्वास दिलाउनुभएको छ ।
