जेठ-१५,२०७९
छत्रकोट गाउँपालिका चोयगा गुल्मी।
आज देशै भर विविध कार्यक्रम गरि १५अौ गणतन्त्र दिवस मनाईएको छ।
यसै विच गुल्मीको छत्रकोट गाउँपालिकामा पनि गणतन्त्र दिवसका अवसरमा आज गाउँपालिका परिसरमा सरसफाइ कार्यक्रम गरिएको छ।
गाउँपालिकाको आयोजनामा सम्पन्न सरसफाइ कार्यक्रममा गाउँपालिकाका प्रमुख प्रसाशकीय अधिकृत कृष्णप्रसाद पन्थी ,विषयगत शाखा प्रमुखहरु सहित गाउँपालिकामा कार्यरत सम्पूर्ण कर्मचारीहरुको उपस्थिति रहेको थियो।
कार्यक्रम मार्फत गाउँपालिका शभाहलको परिसरमा सरसफाइ सँगै पुष्प वृक्ष रोपण समेत गरिएको छ।कार्यक्रमा गाउँपालिकाका प्रमुख प्रसाशकीय अधिकृत पन्थीले सवै मा गणतन्त्र दिवसको शुभकामना दिनु भएको थियो।
उहाँले मुलुकमा गणतन्त्र आएको लामो समय वितिसक्दा पनि राजनितिक अस्थिरता तथा कर्मचारी तन्त्रमा भएको राजनितीकरणले जनतालाई वास्तविक गणतन्त्र आएको अनुभुति हुन नसकेको वताउनु भयो।
उहाँले छत्रकोट वासीहरुलाई सरल र सहजरुपले सेवा प्रवाहमा आफू सधै क्रियाशील रहेने विश्वास व्यक्त गर्नु भयो।साथै स्थानीय सरकारका सम्पुर्ण नीति तथा कार्यक्रमको निष्पक्ष कार्यान्वयन मा आफू सधै प्रतिवद्ध रहेको उहाँको भनाइ छ ।
