टोपराम केसी
जेठ-२०,२०७९
छत्रदेव गाउँपालिका,अर्घाखाँची।
अर्घाखाँचीको छत्रदेव गाउँपालिकाका नवनिर्वाचित गाउँपालिका अध्यक्ष चन्द्रमान श्रेष्ठले गाउँपालिकामा समावेसी,सन्तुलित तथा न्यायोचित विकास प्रणाली अवलम्वन गरि सधै समग्र गाउँपालिका वासीहरुको समानुपातिक न्यायको पक्षमा रहने वताउनु भएको छ।
रुरु एफ्.एमको प्रस्तुती कार्यक्रम हाम्रो पालिकाको विशेष संवादका क्रममा उहाँले सो धारणा राख्नु भएको हो।उहाँले आफ्नो पक्षको गाउँकार्यपालिकामा वहुमत नभए पनि अधिकत्तम सहमति को प्रयास गरिने वताउनु भयो।
राम्रो पक्षलाई सवैले सहजै स्वीकार्ने उल्लेख गर्दै गाउँपालिका अध्यक्ष श्रेष्ठले आफुले गाउँकार्यपालिका मा कहिल्यै गलत र कार्यान्वयन नहुने किसिमका प्रस्ताव प्रस्तुत नगर्ने समेत स्पष्ट पार्नु भयो।
गाउँपालिका वासीहरुको माग,आवश्यकता तथा समस्या निर्वाचन कै क्रममा पहिचान गरिएको वताउँदै गरिएका वाचा तथा प्रतिवद्धता,स्थानीय सरकार सञ्चालन ऐन २०७४ र नेपालको वर्तमान संविधान लाई आधार मानेर कार्यसम्पादनमा जुट्ने उहाँको सङ्कल्प छ।
उहाँले नयाँ आर्थिक वर्षको नीति तथा कार्यक्रम पनि समग्र गाउँपालिकावासीहरुको वर्तमान माग,आवश्यकता ,समस्या तथा प्राथमिकताका आधारमा ल्याईने वताउनु भएको छ।
उहाँले विगतको सरकारका महत्वपुर्ण र गौरवका आयोजना तथा कार्यक्रमलाई भने निरन्तरता दिईने वताउनु भयो।उहाँले विभिन्न सम्वन्धित निकायहरुसँग सल्लाह ,सुझाव,तथा परामर्श कै आधारमा समन्वयात्मक ढङ्गले गाउँपालिकाका गतिविधि अगाडि वढाईने जानकारी दिनु भयो।
त्यस्तै गाउँपालिका अध्यक्ष श्रेष्ठले निष्पक्ष ढङ्गले सवैलाई मिलाएर सहकार्य मार्फत कार्यसम्पादनको वातावरण सिर्जना गरेर आफुले नयाँपन ल्याउन खोजेको वताउनु भयो।उहाँले निर्वाचनमा जनताको फैसला उचित रहेको भन्दै त्यस प्रति कुनै टिकाटिप्णी गर्न ठिक नहुने धारणा राख्नु भयो।
गाउँपालिका सरकारमा एमालेको वहुमत भए पनि जनप्रतिनिधिहरुको एकमात्र लक्ष्य समग्र गाउँपालिकाको समृद्धि र विकास रहेकाले अधिकत्तम सहमतिमै काम गर्ने उहाँको प्रतिवद्धता छ।
उहाँ गत वैशाख ३० मा सम्पन्न स्थानीय तहको निर्वाचनमा नेपाली काङ्ग्रेस का तर्फवाट गाउँपालिका अध्यक्षमा निर्वाचित हुनु भएको थियो।