काठमाडौ ,जेठ २४।
प्रहरीले त्रिभुवन विमान स्थलवाट अवैध सुनसहित ७ जनालाई पक्रकाउ गरेको छ।पक्राउ पर्नेमा एक भारतीय नागरिक समेत रहेका छन्।
दुवैवाट काठमाडौं आउने क्रममा नेपाल वायु सेवा निगमको जहाजवाट आएका व्यक्तिले सुन ल्याएको भन्ने गोप्य सुचनाका आधारमा प्रहरीले उनीहरुलाई हिजो पक्राउ गरेको हो।
पक्राउ पर्नेमा गुल्मी सत्यवती वडा नं .७ जुनिया घर भई हाल सैनामैना रुपन्देही बस्दै आएका ४२ वर्षका सुरेश वहादुर शाही,कपिलवस्तुका २९ वर्षीय सन्दिप चन्द ठकुरी,वाराका वर्ष २२ का निर्मल घलान,काठमाडौंका ४१ वर्षका राहुल भन्ने वरुणभक्त माथेमा र नवलपरासी पश्चिमकमा वर्ष ४१ का युवराज भुषाल रहेका छन्।
यस्तै २७ वर्षका चिनियाँ नागरिक लोप्सन ग्याल्सेन र ५१ वर्षीय भारतीय नागरिक अमन राजपुतलाई पनि प्रहरीले नियन्त्रणमा लिएको छ।
निगरानीका क्रममा सुरेश र सन्दिपले आफुले लगाएको सर्ट,पाईन्ट र अन्डरवेयरमा सुन लुकाएर ल्याएको खुलेको प्रहरीको भनाइ छ।
उनीहरुसँग सोधपुछ का आधारमा थप अन्य व्यक्ति समेत प्रकाउ परेका हुन्।पक्राउ परेका दुई जनाले सर्ट,पेन्ट र अन्डर्वयरका विभिन्न भागवाट सुनको पेस्ट वनाइ लुकाई ल्याएको अवस्थामा ३१७.८१ ग्राम सुन वरामद गरिएको उपत्यका अपराध अनुसन्धान कार्यालयका प्रहरी उपरीक्षक कृष्ण कुमार कोईरालाले जानकारी दिनु भयो।
उनीहरुलाई थप अनुसन्धानका लागि त्रिभुवन विमानस्थलको भन्सार कार्यालय पठाईएको प्रहरीले जनाएको छ।
