जेठ-२५,काठमाडौं ।
काठमाडौंको चन्द्रागिरि नगरपालिका- २ स्थित नागढुङ्गा बाट स्रोत नखुलेको नगद ३ करोड ८९ लाख १३ हजार ७ सय २० रुपैयाँ सहित ५ जना पक्राउ परेका छन् ।
पक्राउ पर्नेमा नुवाकोट बिदुर नगरपालिका- ८ का ४४ वर्षीय फुल बहादुर गुरुङ र अरू चार जना चिनियाँ नागरिक रहेका छन् ।
प्रहरी वृत्त थानकोटले नागढुंगा नाकाबाट उनीहरूलाई हिजो मंगलबार बिहान पक्राउ गरेको हो ।
नुवाकोटबाट काठमाडौं तर्फ आउँदै गरेको बिएबी ५७१० नम्बरको कारलाई प्रहरी प्रभाग नागढुङ्गा र लागूऔषध नियन्त्रण ब्यूरोबाट खटिएको संयुक्त टोलीले जाँच गर्ने क्रममा कारको डिक्कीमा प्लास्टिकको दुई वटा बोरामा लुकाई छिपाइ ल्याएको अवस्थामा नगद बरामद भएको प्रहरीले जनाएको छ ।
घटना बारे थप अनुसन्धान भइरहेको प्रहरीको भनाइ छ ।
