छत्रकोट गाउँपालिका कोटडाडामा धार्मिक कार्यका लागि चाहिने बृक्षरोपण गरियो ।
चुरामणि तिमिल्सिना
असार २६
छत्रकोट गाउँपालिका
हरिशयनी एकादशी ब्रतको अबसर पारेर कोटडाँडा पिपल बर बृक्षरोपण पार्क निर्माण उपभोक्ता समितिको अगुवाई र छत्रकोट गाउँपालिकाको आर्थिक सहयोगमा गुल्मीको छत्रकोट गाउँपालिका वडा न २ कोटडाडामा धार्मिक कार्यका लागि चाहिने तथा अक्सिजन पाइने बृक्षरोपण गरिएको छ।
१ सय ८ पिपल संगै अन्य २६ थरिका धार्मिक बृक्ष रोपण कर्यक्रम अन्तर्गत बर,पिपल,स्वामी,रुद्राक्ष,कपुर लगायतका करिब एक दर्जन थरिका बिरुवा रोपण गरिएको हो ।
बिरुवा रोपण कार्यक्रममा छत्रकोट गाउँ पालिकाका अध्यक्ष राम प्रसाद पाण्डेको प्रमुख आतिथ्यता रहेको थियो ।
कार्यक्रमका प्रमुख अतिथी अध्यक्ष पाण्डेले तुल्सी पिपल बरको बृक्ष रोप्दै यस डाँडामा विभिन्न किसिमका बिरुवाहरु लगाउन पालिकाले बिगत देखि योजना बनाउदै अगाडी बढेकोमा, यसको संरक्षण र बिकासको लागि छत्रकोट सरकारले निरनतरता प्रदान गर्ने प्रतिबद्धता ब्यक्त गर्नु भयो । पर्यटन बिकासका कार्यक्रमहरु अगाडी सारेर पर्यटकका लागि नयाँ नयाँ योजनाहरु अगाडीसारेको बताउनु भयो।
कार्यक्रममा उपाध्यक्ष साबित्रा ज्ञवाली , प्रमुख प्रशासकीय अधिकृत कृष्ण प्रसाद पन्थी , निबर्तमान अध्यक्ष मधुकृष्ण पन्थ, निबर्तमान उपाध्यक्ष नर्मदा भण्डारी , जनप्रतिनिधहरु राजनितिक दलका प्रतिनिधिहरु महिला समुह पत्रकार सरोकारवाला निकाय स्थानीय बासिको सहभागीता रहेको थियो ।
कार्यक्रममा, समितिका अध्यक्ष युगराज बस्यालले कार्यक्रम माथी प्रकाश पार्दै पालिकाले यस क्षेत्रमा पुर्याएको योग्दानको कदर गर्दै पालिका लाई धन्यवाद दिनु भयो। बस्यालले समारोहमा यस क्षेत्रमा भ्युटावर निर्माण, प्रतीक्षालय, सडक बाट पदमार्ग निर्माण गर्न सकेमा थप पर्यटनमा टेवा पुग्ने बताउनु भयो । कार्यक्रम समितिका सचिब युनिक रियिारले संचालन गर्नु भएको थियो । कार्यक्रमको अध्यक्षता बृक्षरोपण गरिएको सर्से सामुदायिक बनका अध्यक्ष मेघराज रजालीले गर्नु भएको सहकर्मी चुरामणि तिमिल्सिनाले समाचार पठाउनु भएको छ ।
