श्रावण-९ गुल्मी ।
गुल्मी जिल्लाको धुर्कोट गाउँपालिका वडा नम्बर ५ की कमला कुमालले ७१ वर्ष पुगेपछि नागरिकता प्राप्त गरेकी छिन ।
लामो समय सम्म मागेर जिविको पार्जन गर्दै आएकी कमलालाई आइतबार जिल्ला प्रशासन कार्यालय गुल्मी मार्फत नागरिकता प्रदान गरेको हो ।
धुर्कोट गाउँपालिका वडा नम्बर ५ वस्तु रातचौरमा बस्दै आएकी कमलाका ३ जना छोरा, २ जना छोरी गरी ५ जना सन्तान छन ।
सन्तानले हेरचाह नगर्दा माग्दै हिड्ने गरेको धुर्कोट गाउँपालिका वडा नम्बर ५ का वडाध्यक्ष केशवराज भण्डारीले बताए ।छोराछोरीले नहेरे पछि नागरिकता अभावमा राज्यले दिने सेवा सुविधाबाट समेत बञ्चित थिइन कमला ।
उनले एक छाक टार्न भए पनि माग्नुको कुनै विकल्प थिएन् । यो अवस्था थाहा पाए पछि वडाध्यक्ष केशवराज भण्डारीको सक्रियतामा उनले जिल्ला प्रशासन कार्यालयबाट नागरिकता प्राप्त गरेकी छिन् ।
उनका श्रीमान फत बहादुर कुमालको साक्षीमा गरिएको सिफारिस अनुसार नागरिकता दिइएको जिल्ला प्रशासन कार्यालय गुल्मीकी प्रशासकिय अधिकृत ज्ञानकुमारी भुसालले बताइन् ।
आफू जिल्लामा आए पछि ९१ वर्षका वृद्धाहरु समेत नागरिकता लिनका लागी प्रशासन कार्यालय आएको भुसालले बताइन् ।
उनले नागरिकता लिएपछि बाटोमा माग्दै हिड्न नपर्ने र उनले सामाजिक सुरक्षा भत्ता पाउने भएकाले खुसी व्यक्त गरिन।
अब उनलाई केही भए पनि राहात हुने वडाध्यक्ष भण्डारीले दाबी गरे ।
