टोपराम केसी
श्रावण-२२,२०७९
रुरु क्षेत्र गाउँपालिका गुल्मी ।
नेकपा माओवादी केन्द्र रुरु क्षेत्र गाउँपालिका स्तरीय अगुवा कार्यकर्ता भेला तथा प्रशिक्षण कार्यक्रम हिजो सम्पन्न भएको छ।
गाउँपालिकाको सभाहल रानीवासमा सम्पन्न प्रशिक्षण एवम् भेलामा नेकपा माओवादी केन्द्र रुरु क्षेत्र गाउँकमिटीका अध्यक्ष यदु ज्ञवालीको अध्यक्षता तथा लुम्बिनी प्रदेशका मानीय पुर्व मन्त्री एवम् प्रदेश सांसद तथा नेकपा माओवादी लुम्बिनी प्रदेश कमिटीका अध्यक्ष सुदर्शन वरालको प्रमुख आतिथ्यता रहेको थियो।
यस्तै पुर्वमुख्य सचिव लिलामणी पौड्याल,नेकपा माओवादी केन्द्र गुल्मी जिल्लाका संयोजक बुद्धि जिसी ,प्रदेश सभा सदस्य मानीय गिता थापाको विशेष आतिथ्यता रहेको थियो।
पार्टीको भावी कार्यदिशा तथा शिद्धान्त,आगामी मंसिर ४ गतेका लागि तय भएको संघ र प्रदेश शभा निर्वाचनको तयारी,पार्टीले जनता माझमा गरेका प्रतिवद्धता पूरा कसरी गर्ने,भन्ने नै कार्यक्रमको मुख्य प्रशिक्षण रहेको थियो।
कार्यक्रममा लुम्विनी प्रदेशका पुर्व माननीय मन्त्री एवम् प्रदेश सांसद वरालले पार्टीको भावी कार्यदिशा तथा शिद्धान्तका विषयमा प्रशिक्षण दिनु भएको थियो।
वरालले पार्टीको संगठन चुस्तदुरुस्त राख्न विशेष ध्यान दिंदै जनभावना अनुसार कार्यसम्पादनमा जुट्न सवै नेताकार्यकर्ताहरुलाइ निर्देशन दिनु भयो ।
यस्तै पुर्वमुख्य सचिव लिलामणी पौड्याल,नेकपा माओवादी केन्द्र गुल्मी जिल्लाका संयोजक बुद्धि जिसी ,प्रदेश सभा सदस्य मानीय गिता थापाले पनि पार्टीको संगठन विस्तार,पार्टीका एजेन्डा,कार्यसम्पादन लगाएतका विषयमा प्रशिक्षण दिंदै आगामी मंसिर ४ गतेका लागि तय भएको संघ र प्रदेश शभा निर्वाचनको तयारीमा पार्टीका उमेदवारलाइ विजय गराउने गरी लाग्न निर्देशन दिनु भयो ।
कार्यक्रममा विभिन्न पार्टी परित्याग गरि दर्जनौँ संख्यामा नेता तथा कार्यकर्ताहरु नेकपा माओवादी केन्द्रमा प्रवेस गरेका माओवादी केन्द्र रुरु क्षेत्र गाउँकमिटीका सचिव नारायण प्रसाद पौड्यालले बताउनु भयो।
पौड्याल अनुसार कार्यक्रममा करिव २०० जना नेताकार्यकर्ताहरुको उपस्थिति रहेको थियो ।
नेकपा माओवादी केन्द्र रुरु क्षेत्र गाउँकमिटीका सह सचिव वसन्त क्षेत्रीको स्वाग मन्तव्य रहेको प्रशिक्षण कार्यक्रम गाउँकमिटीका सचिव नारायण प्रसाद पौड्यालको सञ्चालनमा सम्पन्न भएको हो।
