कृष्ण अन्जान
भाद्र-१६,२०७९
रुरु रुरुक्षेत्र गाउँपालिका गुल्मी ।
महिला हरुका महान पर्व हरितालिका तिजको अन्तिम दिन ऋषि पञ्चमीको पावन अवसरमा रुरुक्षेत्र गाउँपालिकाले सार्वजनिक विदाको घोषणा गरको छ।
रुरुक्षेत्र गाउँपालिकाका प्रमुख प्रशासकीय अधिकृत मधुकृष्ण पौडेल द्दारा बुधबार जारि सुचनामा भाद्र १५ गतेको पालिका स्तरीय पदाधिकारी सहितको बैठकको निर्णय अनुसार भाद्र १६ गते विहिवार ऋषिपञ्चमीको पावन अवसरमा सार्वजनिक विदा दिने निर्णय गरिएको उल्लेख छ ।
भाद्र १६ गते पालिका भित्रका कार्यालय,वडा कार्यालय,शिक्षण सँस्था स्वास्थ सँस्था लगाएतका सम्पूर्ण सरकारी कार्यालयहरु बन्द रहने सुचनामा उल्लेख छ ।
ऋषिपञ्चमीमा रुरुक्षेत्र गाउँपालिकाका विभिन्न ठाउँमा पञ्चमीको पुजा आजा गरिन्छ भने थोर्गाको देउराली कोट ,चौतारा ,बलेटक्सारको लेक ,ग्वादी भट्कुवा ,बम्घा ,स्यालपोखरी क्षेत्रमा आमा दिदीबहिनी हरु जम्मा भई नाचगान गर्ने गर्छन् ,गाउँपालिकाले पनि यसै अवसरमा गाउँपालिका भर सार्वजनिक बिदा दिएको हो ।
