भाद्र-२९,२०७९
छत्रकोट गाउँपालिका गुल्मी ।
छत्रकोट गाउँपालिका गुल्मीले छत्रकोट गाउँपालिका का वडा नं. १ हुँगा र वडा नं.२ पल्लीकोटका सामाजिक सुरक्षा भत्ता पाउने नागरिकलाई टोलटोलमा सामाजिक सुरक्षा भत्ता वितरण गर्ने भएको छ।
आज एक कार्यक्रमका बिच साइन रेसुङ्गा बैंक बलेटक्सार शाखा र छत्रकोट गाउँपालिका बिच एक सम्झौता पत्रमा हस्ताक्षर भएको छ ।
कार्यक्रममा साइन रेसुङ्गा बैंक बलेटक्सार का शाखा प्रमुख विनोद ज्ञवाली र छत्रकोट गाउँपालिका का अध्यक्ष राम प्रसाद पाण्डे बीच सम्झौता पत्रमा हस्ताक्षर र सम्झौता आदान प्रदान गर्नु भएको थियो।
सो अवसरमा छत्रकोट गाउँपालिका उपाध्यक्ष सावित्रा ज्ञवाली ,प्रमुख प्रशासकिय अधिकृत कृष्ण प्रसाद पन्थी ,६ वटै वडा का वडा अध्यक्ष गाउँपालिकाका कर्मचारी र पत्रकार हरुको समेत सहभागिता रहेको थियो।
छत्रकोट गाउँपालिका वडा नं १ र २ का समाजिक सुरक्षा भत्ता पाउने जेष्ठ नागरिक र बालबालिका हरु ,घण्टौं लगाएर बैंक मै गएर लाइनमा बसी सामाजिक सुरक्षा भत्ता बुझ्दा निकै समस्यामा परेका थिए ।
गाउँपालिका र साइन रेसुङ्गा बैंक बिच सम्झौता भए सँगै बैंकका कर्मचारी हरु गाउँबस्ती वा टोलटोलमा पुगेर सामाजिक सुरक्षा भत्ता बुझाउने भए पछि स्थानियहरु प्रत्यक्ष लाभाम्बित हुने भएका छन्।
गाउँपालिकाले यस अघि नै वडा नं ३,४,५ र ६ भने मा टोल-टोल मै सामाजिक सुरक्षा भत्ता वितरण गर्दै आइएको थियो।
अव छत्रकोट गाउँपालिका का सबै वडा हरुका गाउँबस्ती वा टोलटोलमा सामाजिक सुरक्षा भत्ता वितरण हुने भएकाले गाउँपालिका बासी हर्षित भएका छन्।
