लुम्बिनी प्रदेश लगायत केही प्रदेशका पहाडी भेगमा वर्षाको सम्भावना
कात्तिक ३
आज बिहीबार मुलुकका केही प्रदेशका पहाडी भेगमा वर्षाको सम्भावना रहेको छ। मौसम पूर्वानुमान महाशाखाका अनुसार दिउँसो लुम्बिनी,गण्डकी, कर्णाली र सुदूरपश्चिमका पहाडी भूभागका थोरै स्थान र बाँकी भूभागका एक दुई स्थानमा हल्का वर्षाको सम्भावना रहेको छ।
पश्चिमी क्षेत्रमा पश्चिमी वायुको सामान्य प्रभाव रहेकाले मौसम बदलीसँग केही क्षेत्रमा हल्का वर्षा हुने गरेको हो। महाशाखाका अनुसार राति पहाडी भूभागका एक दुई स्थानमा हल्का वर्षाको सम्भावना रहेको छ।
भोली शुक्रबार पनि लुम्बिनी, गण्डकी, कर्णाली र सुदूरपश्चिमका पहाडी भूभागका थोरै स्थान तथा बाँकी भूभागका एक दुई स्थानमा हल्का वर्षाको हुनसक्ने महाशाखाले आकलन गरेको छ।
