पाल्पा बाट मनकामना दर्शनको लागि जाँदै गरेको बस दुर्घटना
चुरामणी तिमेलसेना
कार्तिक १३
पाल्पाको रम्भा गाउँपालिका १ हुँगीबाट मनकामना दर्शनको लागि जाँदै गरेको बस दुर्घटनामा परेको छ । आज आइतबार बिहान ना ६ ख ७५८० नम्बरको बस पुर्वी नवलपरासीको बुलिङटार गाउँपालिका २ मथारमा दुर्घटना हुँदा ५ जनाको मृत्यु भएको छ भने २३ जना घाइतेहरूको उद्दार गरिएको छ ।
प्रहरी चौकी बुलिङका प्रहरी जवानले दिएको जानकारी अनुसार ५ जनाको शव भेटिएको र अन्यको खोजी कार्य जारी रहेको बताए ।
रम्भा १ च्याङलिङ, नौगाउँ, गैरी र साठी क्षेत्रबाट २ बस यात्रु मनकामना दर्शनका लागि जाँदै गरेको अवस्थामा बस दुर्घटनामा परेको हो । बस सडकबाट झण्डै सय मिटर तल खसेको छ ।
बस कालिगण्डकी किनारमा रहेको छ । बसमा रम्भा १ हुँगी अन्तर्गत बिसौना, च्याङलिङ र गैरी क्षेत्रका दर्शनार्थी रहेका थिए । घटनास्थलमा अहिले प्रहरीले घाईतेहरुको उद्धार गरिरहेको छ । बसमा २८र२९ जना यात्रु रहेको बताइएको छ । विस्तृत विवरण आउन बाँकी
