माओवादीको घोषणापत्र सार्वजनिक,प्रत्यक्ष निर्वाचित कार्यकारी राष्ट्रपति, संविधान संशोधनमा जोड
कार्तिक १४
नेकपा माओवादी केन्द्रले कार्यकारी राष्ट्रपतिमा जोड दिएको छ । प्रतिनिधिसभा र प्रदेशसभा निर्वाचनका लागि माओवादीले आज जारी गरेको घोषणापत्रमा हाल संविधानमा रहेको शासकीय स्वरुपलाई फेर्ने प्रतिवद्धता जनाइएको छ ।
माओवादीले राजनीतिक आन्दोलनबाट प्राप्त व्यवस्था रक्षा र अवस्था परिवर्तन आफ्नो नेतृत्वमा मात्रै सम्भव भएको दाबी गरेको छ।
माओवादीले जनताद्वारा प्रत्यक्ष निर्वाचित राष्ट्रपति र प्रदेश प्रमुख बनाउन संविधान संशोधनको प्रतिवद्धता जनाएको हो । स्थिरता, शान्ति र समृद्धिका लागि शासकीय स्वरुप, निर्वाचन प्रणाली र संघीय संरचना परिवर्तन गर्नुपर्ने माओवादीले जिकिर गरेको छ ।
